അർജന്റീനയ്ക്കു കിരീടം, നേട്ടങ്ങളുടെ നെറുകയിൽ മെസി

ദോഹ: നിലവിലെ ചാമ്പ്യന്മാരായ ഫ്രാന്‍സിനെ പെനാല്‍റ്റി ഷൂട്ടൗട്ടില്‍ വീഴ്ത്തി അര്‍ജന്റീന ലോക കിരീടം ചൂടി. അടുത്ത ലോക കപ്പ് കളിക്കാന്‍ സാദ്ധ്യതയ...

ദോഹ: നിലവിലെ ചാമ്പ്യന്മാരായ ഫ്രാന്‍സിനെ പെനാല്‍റ്റി ഷൂട്ടൗട്ടില്‍ വീഴ്ത്തി അര്‍ജന്റീന ലോക കിരീടം ചൂടി. അടുത്ത ലോക കപ്പ് കളിക്കാന്‍ സാദ്ധ്യതയില്ലാത്ത സൂപ്പര്‍ താരം ലയണല്‍ മെസി തന്റെ അവസാന ലോകകപ്പ് രാജകീയമാക്കിയിരിക്കുന്നു.

എക്‌സ്ട്രാ ടൈമിലും രണ്ടു ടീമുകളും മൂന്നു ഗോള്‍ വീതം നേടി സമനില പാലിച്ചതിനെ തുടര്‍ന്ന് കളി പെനാല്‍റ്റി ഷൂട്ടൗട്ടിലേക്കു നീങ്ങുകയായിരുന്നു. ഷൂ്ട്ടൗട്ടില്‍ 4-2നാണ് അര്‍ജന്റീനയുടെ ജയം.

ക്യാപ്ടന്‍ ലയണല്‍ മെസി, പൗലോ ഡി ബാല, ലിയാന്‍ഡ്രോ പരദേസ്, മോണ്ടിയാല്‍ എന്നിവര്‍ അര്‍ജന്റീനയ്ക്കായി ലക്ഷ്യം കണ്ടു.

ഫ്രാന്‍സിനായി കിലിയന്‍ എംബാപെ, കോളോ മുവാനി എന്നിവര്‍ മാത്രമാണ് ലക്ഷ്യം കണ്ടത്. കിങ്സ്ലി കോമന്റെ ഷോട്ട് അര്‍ജന്റീന ഗോളി എമിലിയാനോ മാര്‍ട്ടിനസ് തടുത്തിട്ടു. മൂന്നാം കിക്ക് എടുത്ത ഔറേലിയന്‍ ചൗമേനി പുറത്തേയ്ക്കു ഷോട്ടുതിര്‍ത്ത് കളി അര്‍ജന്റീനയ്്ക്കു സമര്‍പ്പിക്കുകയും ചെയ്തു.

രണ്ടാം പകുതിയിൽ തുടരെ രണ്ടു ഗോളുകൾ നേടി ഫ്രാൻസ് കളി തിരിച്ചു പിടിച്ചുവെങ്കിലും നൂറ്റിയെട്ടാം മിനിറ്റിൽ മെസി അർജന്റീനയെ വീണ്ടും മുന്നിലെത്തിച്ചു. തൊട്ടുപിന്നാലെ നൂറ്റിപ്പതിനെട്ടാം മിനിറ്റിൽ കിട്ടിയ പെനാൽറ്റിയിലൂടെ എം ബാപെ ഫ്രാൻസിനെ സമനിലയിലെത്തിച്ചു.

 80, 81 മിനിറ്റുകളിലായിരുന്നു എംബാപെ ഫ്രാൻസിനായി നിറയൊഴിച്ചത്. തുടർന്ന് കളി എക്സ്ട്രാ ടൈമിലേക്കു കടക്കുകയായിരുന്നു.

എതിരില്ലാത്ത രണ്ടു ഗോളിന് അര്‍ജന്റീന ആദ്യ പകുതിയിൽ മുന്നിലായിരുന്നു.

ആദ്യ പകുതിയിൽ  ഒരു ഘട്ടത്തിലും വ്യക്തമായ മേല്‍ക്കൈ നേടാന്‍ ഫ്രാന്‍സിനായില്ല. രണ്ടാം പകുതിയിൽ ഫ്രാൻസ് ഉണർന്നെഴുന്നേൽക്കുകയായിരുന്നു.

ലയണല്‍ മെസ്സി, ഡി മരിയ എന്നിവരാണ് അര്‍ജന്റീനയ്ക്കായി ഗോള്‍ നേടിയത്. 

ഇരുപത്തൊന്നാം മിനിറ്റില്‍ മുന്നേറിയ ഡി മരിയയെ വീഴ്ത്തിയതിന് ലഭിച്ച പെനാല്‍റ്റി മെസി ഗോളാക്കി മാറ്റി. ഇതോടെ ഈ ലോകകപ്പില്‍ ഏറ്റവും കൂടുതല്‍ ഗോള്‍ നേടുന്ന താരമെന്ന റെക്കോര്‍ഡും മെസിക്കു സ്വന്തമാക്കി.

13 ഗോളുമായി സ്‌കോറര്‍മാരുടെ പട്ടികയില്‍ പെലെയെ മെസി മറികടക്കുകയും ചെയ്തു.

മുപ്പത്താറാം മിനിറ്റില്‍ മികച്ച ഫിനിഷിലൂടെ എയ്ഞ്ചല്‍ ഡി മരിയ അര്‍ജന്റീനയുടെ ലീഡ് ഇരട്ടിയാക്കി.

തുടക്കം മുതല്‍ ഫ്രാന്‍സ് ബോക്‌സിലേക്ക് അര്‍ജന്റീനിയന്‍ പട ഇരമ്പിക്കയറുകയായിരുന്നു.

Congratulations Champions #Argentina You have fulfilled your dream.
Congratulations #Messi𓃵 the G.O.A.T
You deserve it. What a match. What a play. #FIFAWorldCup #Maradona will be proud of you. pic.twitter.com/qmFMpXFBZQ

— Ab (@abr_roar) December 18, 2022

മൂന്നാം മിനിറ്റില്‍ അല്‍വാരസിന് മികച്ച അവസരം കിട്ടിയെങ്കിലും റഫറി ഓഫ്സൈഡ് വിളിച്ചു. 

അഞ്ചാം മിനിറ്റില്‍ ഫ്രാന്‍സ് പ്രതിരോധനിരയില്‍ വന്ന പിഴവിലൂടെ 25 അടി അകലെ നിന്നുള്ള മാക് അലിസ്റ്ററിന്റെ ലോംഗ് റേഞ്ചര്‍ ഫ്രഞ്ച് കീപ്പര്‍ ലോറിസ് പിടിച്ചു രക്ഷപ്പെടുത്തി.

Sports: Argentina is in front after defeating France by two goals in the World Cup final. At no point in the game was France able to gain a clear upper hand. Lionel Messi and Di Maria scored for Argentina.