England beat Pakistan by five wickets to win their second T20 World Cup title. England beat Pakistan's target of 138 runs with 5 wickets to spare
മെല്ബണ്: പാകിസ്ഥാനെ അഞ്ചു വിക്കറ്റിന് കീഴടക്കി ഇംഗ്ലണ്ട് രണ്ടാം ടി20 ലോകകപ്പ് കിരീടം സ്വന്തമാക്കി.
പാകിസ്ഥാന് ഉയര്ത്തിയ 138 റണ്സ് വിജയലക്ഷ്യം 5 വിക്കറ്റ് ശേഷിക്കെ ഇംഗ്ളണ്ട് മറികടക്കുകയായിരുന്നു. 2010ലും ഇംഗ്ളണ്ട് ടി20 ചാമ്പ്യന്മാരായിരുന്നു.
ബെന് സ്റ്റോക്സും സാം കറനുമാണ് ഇംഗ്ലണ്ടിന്റെ വിജയശില്പികള്. ഇതോടെ ഒരേസമയം ടി20, ഏകദിന ലോക കിരീടങ്ങള് നേടിയ ടീമുമായി ഇംഗ്ലണ്ട്.
പാക്ക് ബൗളര്മാര് ഇംഗ്ളീഷ് ബൗളര്മാരെ നന്നായി പരീക്ഷിച്ചുവെങ്കിലും പതറാതെ നിന്ന ബെന് സ്റ്റോക്സ് ടി20 ക്രിക്കറ്റിലെ തന്റെ ആദ്യ അര്ദ്ധ സെഞ്ചുറി കുറിച്ചുകൊണ്ട് ടീമിനെ വിജയത്തിലേക്കു നയിക്കുകയായിരുന്നു.
49 പന്തില് 52 റണ്സുമായി സ്റ്റോക്സ് പുറത്താകാതെ നിന്നു.
പാകിസ്ഥാന് പൊരുതി നോക്കിയെങ്കിലും ഷഹീന് അഫ്രീദി പരുക്ക് മൂലം സ്ലോഗ് ഓവറുകളില് പിന്മാറിയത് തിരിച്ചടിയായി.
🎵 CHAMPIONES CHAMPIONES OLE OLE OLE 🎵 pic.twitter.com/58CI1hKxQl
— England Cricket (@englandcricket) November 13, 2022
ആദ്യം ബാറ്റ് ചെയ്ത പാകിസ്ഥാനെ 8 വിക്കറ്റ് വീഴ്ത്തിക്കൊണ്ട് 137 റണ്സില് ഇംഗ്ലണ്ട് ഒതുക്കി.
ഷാന് മസൂദ് (28 പന്തില് 38), ക്യാപ്റ്റന് ബാബര് അസം (28പന്തില് 32), ഷദാബ് ഖാന് (14 പന്തില് 20) എന്നിവര്ക്കു മാത്രമാണ് പാക് നിരയില് പ്രതിരോധിച്ചു നില്ക്കാനായത്.
പാക് ഇന്നിങ്സില് മൊത്തം പിറന്നത് രണ്ടു സിക്സറുകള് മാത്രമെന്നറിയുമ്പോള് ഇംഗ്ളീഷ് ബൗളിംഗിന്റെ കരുത്തു വ്യക്തമാകും.
നാല് ഓവറില് 12 റണ്സ് വഴങ്ങി മൂന്നു വിക്കറ്റെടുത്ത സാം കറനും 22 റണ്സിന് രണ്ടു വിക്കറ്റ് വീഴ്ത്തിയ ആദില് റഷീദും ഇംഗ്ലീഷ് ബൗളര്മാരില് തിളങ്ങി. ക്രിസ് ജോര്ഡാന് 27 റണ്സിന് രണ്ടു വിക്കറ്റ് വീഴ്ത്തി.
കളിയിലെ താരവും ടൂര്ണമെന്റിലെ താരവും സാം കറനാണ്.
Siummary: England beat Pakistan by five wickets to win their second T20 World Cup title. England beat Pakistan's target of 138 runs with 5 wickets to spare. England were T20 champions in 2010 as well.
COMMENTS