ദേവസഹായം പിള്ള ഇനി വിശുദ്ധന്‍, ഈ പദത്തിലെത്തുന്ന ആദ്യ അല്‍മായ രക്തസാക്ഷി, ഇന്ത്യയിലും വിപുല ആഘോഷങ്ങള്‍

The pope was canonized by the pope at a ceremony in St. Peter's Square in the Vatican. Devasahayam Pillai was the first non-clergyman in India

വത്തിക്കാന്‍ സിറ്റി : ദേവസാഹായം പിള്ളയെ വത്തിക്കാനിലെ സെന്റ് പീറ്റേഴ്‌സ് ചത്വരത്തില്‍ നടന്ന ചടങ്ങില്‍ മാര്‍പ്പാപ്പ വിശുദ്ധനായി പ്രഖ്യാപിച്ചു. 

ദേവസഹായം പിള്ള രക്തസാക്ഷിത്വം വരിച്ച നാഗര്‍കോവിലിനടുത്ത് കാറ്റാടിമലയില്‍ വിശുദ്ധപദവി പ്രഖ്യാപനവുമായി ബന്ധപ്പെട്ട ആഘോഷങ്ങള്‍ ഇന്നലെ ആരംഭിച്ചിരുന്നു. ജൂണ്‍ അഞ്ചുവരെ ആഘോഷങ്ങളും പ്രാര്‍ത്ഥനയും നീളും. 

വിശുദ്ധ പദവിയില്‍ എത്തുന്ന ഇന്ത്യയിലെ ആദ്യ അല്‍മായ രക്തസാക്ഷിയും ഇന്ത്യന്‍ സഭയുടെ വൈദികനല്ലാത്ത ആദ്യ വ്യക്തിയുമാണ് ദേവസഹായം പിള്ള. ഇന്ത്യന്‍ സമയം ഉച്ച കഴിഞ്ഞ് 1.25 ന് വത്തിക്കാനില്‍ ചടങ്ങുകള്‍ ആരംഭിച്ചു. 

തമിഴ്നാട്ടിലെ കോട്ടാര്‍, കുഴിത്തുറ, നെയ്യാറ്റിന്‍കര രൂപതകളിലെ പള്ളികളിലും പ്രത്യേകം ചടങ്ങുകള്‍ നടക്കുന്നുണ്ട്. ജൂണ്‍ അഞ്ചിന് കാറ്റാടിമലയില്‍ കൃതജ്ഞതാ ബലിയും നടത്തും.

മറ്റ് പതിനാല് പേരെ കൂടി ദേവസഹായം പിള്ളയോടൊപ്പം വിശുദ്ധ പദവിയിലേക്ക് മാര്‍പാപ്പ ഉയര്‍ത്തി.

ഹിന്ദുവായി ജനിച്ച നീലകണ്ഠപിളളയാണ് പിന്നീട് ലാസര്‍ ദേവസഹായം പിള്ളയായത്. 1712ല്‍ കന്യാകുമാരിയിലെ നട്ടാലത്തായിരുന്നു ജനനം. 

മാര്‍ത്താണ്ഡവര്‍മയുടെ കാലത്ത് അദ്ദേഹം തിരുവിതാംകൂര്‍ സൈന്യത്തില്‍ ഉന്നതപദവി വഹിച്ചിരുന്നു. 

വടക്കന്‍കുളം പള്ളിയിലെ ഈശോ സഭാ വൈദികനായിരുന്ന ജെ.പി. ബുട്ടാരിയില്‍ നിന്ന് 1745 മേയ് 17ന് ജ്ഞാനസ്നാനം സ്വീകരിക്കുകയായിരുന്നു. തമിഴ്‌നാട്ടിലെ കാറ്റാടിമലയില്‍ 1752 ജനുവരി 14ന് ദേവസഹായം പിള്ള വെടിയേറ്റു മരിച്ചുവെന്നാണു ചരിത്രം.

Summary: The pope was canonized by the pope at a ceremony in St. Peter's Square in the Vatican.

Devasahayam Pillai was the first non-clergyman in India to be ordained as a saint. The ceremony began at the Vatican at 1.25 pm Indian time.