Off-spinner Harbhajan Singh has retired from all formats of cricket. He announced his retirement on Twitter. Bhaji has announced his retirement at the
അഭിനന്ദ്
ന്യൂഡല്ഹി: ഓഫ് സ്പിന്നര് ഹര്ഭജന് സിംഗ് ക്രിക്കറ്റിന്റെ എല്ലാ ഫോര്മാറ്റുകളില് നിന്നും വിരമിച്ചു. ട്വിറ്ററിലൂടെയാണ് അദ്ദേഹം വിരമിക്കല് പ്രഖ്യാപിച്ചത്. നാല്പത്തൊന്നാം വയസ്സിലാണ് ഭാജി വിരമിക്കല് പ്രഖ്യാപിച്ചിരിക്കുന്നത്.
വരുന്ന നിയമസഭാ തിരഞ്ഞെടുപ്പില് ഹര്ഭജന് പഞ്ചാബില് കോണ്ഗ്രസ് സ്ഥാനാര്ത്ഥിയായേക്കുമെന്നു ശ്രുതിയുണ്ട്. പിസിസി അദ്ധ്യക്ഷനും മുന് ക്രിക്കറ്റ് താരവുമായ നവജോത് സിദ്ദുവാണ് ഈ സൂചന നല്കിയത്. എന്നാല്, രാഷ്ട്രീയ പ്രവേശത്തെക്കുറിച്ച് ഭാജി പ്രതികരിച്ചിട്ടില്ല.
വിരമിക്കല് തീരുമാനത്തിന് പിന്നിലെ കാരണം വിശദീകരിക്കുന്ന ഒരു വീഡിയോ യുട്യൂബില് അദ്ദേഹം പങ്കിടുകയും ചെയ്തു. 2000 കാലത്ത് ഇന്ത്യന് ടീമിന്റെ അവിഭാജ്യ ഘടകമായിരുന്നു ഹര്ഭജന്.
എംഎസ് ധോണിയുടെ ക്യാപ്റ്റന്സിയില് ടീമിനൊപ്പം 2007 ലെ ഐസിസി ലോകകപ്പ് നേടി ടീമില് ഹര്ഭജനും ഉണ്ടായിരുന്നു. അതേ വര്ഷത്തെ ടി20 ലോകകപ്പ്, 2011 ഐസിസി ലോകകപ്പ് ടീമിലും അദ്ദേഹം ഉണ്ടായിരുന്നു.
2001-ല് സ്റ്റീവ് വോയുടെ ഓസ്ട്രേലിയന് ടീമിനെ ടെസ്റ്റ് പരമ്പരയില് തോല്പ്പിക്കാന് ഇന്ത്യയെ സഹായിക്കുന്നതില് ഭാജി നിര്ണായക പങ്കു വഹിച്ചു. ഈ പരമ്പരയില് 32 വിക്കറ്റാണ് അദ്ദേഹം വീഴ്ത്തിയത്.
എല്ലാ നല്ല കാര്യങ്ങളും അവസാനിക്കുന്നു, എനിക്ക് ജീവിതത്തില് എല്ലാം തന്ന ഗെയിമിനോട് ഇന്ന് ഞാന് വിടപറയുമ്പോള്, ഈ 23 വര്ഷത്തെ യാത്ര മനോഹരവും അവിസ്മരണീയവുമാക്കിയ എല്ലാവര്ക്കും നന്ദി പറയാന് ഞാന് ആഗ്രഹിക്കുന്നു. എന്റെ ഹൃദയംഗമമായ നന്ദി. നന്ദി. ഹര്ഭജന് ട്വിറ്ററില് കുറിച്ചു.
All good things come to an end and today as I bid adieu to the game that has given me everything in life, I would like to thank everyone who made this 23-year-long journey beautiful and memorable.
— Harbhajan Turbanator (@harbhajan_singh) December 24, 2021
My heartfelt thank you 🙏 Grateful .https://t.co/iD6WHU46MU
1998 മാര്ച്ചില് ബാംഗ്ലൂരില് ഓസ്ട്രേലിയയ്ക്കെതിരെ 17 വയസ്സുള്ളപ്പോഴാണ് ഹര്ഭജന് തന്റെ അന്താരാഷ്ട്ര അരങ്ങേറ്റം നടത്തിയത്. 103 ടെസ്റ്റ് മത്സരങ്ങളില് നിന്ന് 417 വിക്കറ്റ് വീഴ്ത്തിയ അദ്ദേഹം ടെസ്റ്റ് ക്രിക്കറ്റില് ഇന്ത്യയുടെ നാലാമത്തെ ഏറ്റവും ഉയര്ന്ന വിക്കറ്റ് വേട്ടക്കാരനായി തുടരുന്നു. 236 ഏകദിനങ്ങളില് ഇന്ത്യയെ പ്രതിനിധാനം ചെയ്ത ഹര്ഭജന് 269 വിക്കറ്റ് വീഴ്ത്തി. ഇന്ത്യക്ക് വേണ്ടി 28 ടി20 മത്സരങ്ങളില് നിന്ന് 25 വിക്കറ്റും അദ്ദേഹം വീഴ്ത്തി.
സൗരവ് ഗാംഗുലിയുടെ നായകത്വത്തില് രാജ്യത്തിനു പുറത്ത് നിരവധി വിജയങ്ങള് നേടിയ ഇന്ത്യന് ടീമിന്റെ ഭാഗമായിരുന്നു ഹര്ഭജന്. 2003-ല് ഓസ്ട്രേലിയയോട് തോല്ക്കുകയും 2011-ല് ശ്രീലങ്കയ്ക്കെതിരെ വിജയിക്കുകയും ചെയ്ത രണ്ട് ഐ.സി.സി ലോകകപ്പ് ഫൈനലുകള് കളിച്ച ചുരുക്കം ഇന്ത്യന് ക്രിക്കറ്റര്മാരില് ഒരാളാണ് അദ്ദേഹം.
സ്പിന് ഇതിഹാസം അനില് കുംബ്ലെയുമായി ചേര്ന്ന് നിരവധി വിജയങ്ങള്ക്ക് ഭാജി നിര്ണായക പങ്കുവഹിച്ചു.
ഇന്ത്യന് പ്രീമിയര് ലീഗില് (ഐപിഎല്) മുംബൈ ഇന്ത്യന്സ്, ചെന്നൈ സൂപ്പര് കിംഗ്സ് തുടങ്ങിയ മുന്നിര ഫ്രാഞ്ചൈസികള്ക്കായി ഹര്ഭജന് ദീര്ഘവും വിജയകരവുമായ മുന്നേറ്റങ്ങള്ം നടത്തി. കൊല്ക്കത്ത നൈറ്റ് റൈഡേഴ്സിനൊപ്പമായിരുന്നു അദ്ദേഹം അവസാനം കളിച്ചത്. 163 മത്സരങ്ങളില് നിന്ന് 150 വിക്കറ്റുകള് നേടിയ അദ്ദേഹം നിലവില് ഐപിഎല് ചരിത്രത്തില് ഏറ്റവും കൂടുതല് വിക്കറ്റ് വീഴ്ത്തിയ അഞ്ചാമത്തെ ബൗളറാണ്.
Summary: Off-spinner Harbhajan Singh has retired from all formats of cricket. He announced his retirement on Twitter. Bhaji has announced his retirement at the age of forty-one.
COMMENTS