KIerala Forest Minister AK Sasindran has said that the government was not aware that Tamil Nadu had given permission to cut down 15 trees at Mullaperi
സ്വന്തം ലേഖകന്
തിരുവനന്തപുരം : മുല്ലപ്പെരിയാര് അണക്കെട്ടില് ബേബി ഡാമിനു താഴെയുള്ള 15 മരങ്ങള് മുറിക്കാന് തമിഴ്നാടിന് അനുമതി നല്കിയത് സര്ക്കാര് അറിവോടെയല്ലെന്ന് വനംമന്ത്രി എ കെ ശശീന്ദ്രന്.
15 മരങ്ങള് മുറിക്കാന് അനുമതി നല്കിയതിന് കേരള മുഖ്യമന്ത്രി പിണറായി വിജയനെ അഭിനന്ദിച്ചുകൊണ്ട് തമിഴ്നാട് മുഖ്യമന്ത്രി എം കെ സ്റ്റാലിന് ഇന്നലെ വാര്ത്താ കുറിപ്പ് ഇറക്കിയിരുന്നു.
പിണറായിയുടെ ഓഫീസ് ഇത്തരത്തില് അനുമതി നല്കിയില്ല. മരം മുറിക്കല് ഉദ്യോഗസ്ഥ തലത്തില് മാത്രം തീരുമാനമെടുക്കേണ്ട വിഷയമല്ലെന്നും ശശീന്ദ്രന് പറഞ്ഞു.
കേരളം അനുമതി നല്കിയെന്ന കാര്യം മുഖ്യമന്ത്രിയുടെ ശ്രദ്ധയില്പ്പെടുത്തിയിട്ടുണ്ടെന്നും അനുമതി നല്കിയതില് വീഴ്ച സംഭവിച്ചുവെന്നും അദ്ദേഹം കൂട്ടിച്ചേര്ത്തു.
മരങ്ങള് മുറിക്കുന്നതിന് താന് അറിയാതെ അനുമതി നല്കിയ സംഭവത്തില് പ്രിന്സിപ്പല് ചീഫ് കണ്സര്വേറ്റര് ഒഫ് ഫോറസ്റ്റ് ആന്ഡ് ചീഫ് വൈല്ഡ് ലൈഫ് വാര്ഡനോട് മന്ത്രി ശശീന്ദ്രന് അടിയന്തര റിപ്പോര്ട്ട് ആവശ്യപ്പെട്ടിട്ടുണ്ട്.
കഴിഞ്ഞ ദിവസം തമിഴ്നാട് ജലമന്ത്രി എസ് ദുരൈ മുരുഗനും സംഘവും മുല്ലപ്പെരിയാര് സന്ദര്ശിച്ചിരുന്നു. ഇതിനു പിന്നാലെയാണ് മരങ്ങള് മുറിക്കാന് തമിഴ് നാടിന് കേരളം കൊടുത്തിരിക്കുന്നത്.
മരങ്ങള് വെട്ടി ബേബി ഡാം ബലപ്പെടുത്തിക്കൊണ്ട് മുല്ലപ്പെരിയാറിലെ ജലനിരപ്പ് 152 അടിയാക്കാനാണ് തമിഴ് നാടിന്റെ നീക്കം.
ജലനിരപ്പ് 152 അടിയാക്കി ഉയര്ത്തുമെന്ന് ദുരൈ മുരുഗന് പ്രഖ്യാപിക്കുകയും ചെയ്തിരുന്നു. ബേബി ഡാം ബലപ്പെടുത്തിയാല് പുതിയ ഡാം എന്ന കേരളത്തിന്റെ ആവശ്യം നടക്കാതെയും വരും.
ഇപ്പോഴത്തെ അനുമതിക്കു പിന്നിലെ കള്ളക്കളിയെക്കുറിച്ചു കേരള ഭരണ നേതൃത്വം ഒളിച്ചുകളി നടത്തുന്നതിനു പിന്നിലും ദുരൂഹതയുണ്ട്. പ്രതിപക്ഷവും ഇക്കാര്യത്തില് ഇതുവരെ കാര്യമായി പ്രതികരിച്ചിട്ടില്ല.
Summary: KIerala Forest Minister AK Sasindran has said that the government was not aware that Tamil Nadu had given permission to cut down 15 trees below the Baby Dam on the Mullaperiyar Dam.
COMMENTS