ഇന്ത്യ ട്വന്റി 20 ലോക കപ്പ് ഫൈനലില്‍ എത്തുന്നു, ആരാധകരുടെ പ്രതീക്ഷകള്‍ ഇങ്ങനെ....

At present, it is almost impossible for India to reach the semis of T20 World Cup. However, the odds in front of Kohli and his team are as follows

സ്‌പോര്‍ട്‌സ് ഡെസ്‌ക്‌/ www.vyganews.com 

അഫ്ഗാനിസ്ഥാനെ 66 റണ്‍സിന് ഇന്ത്യ കീഴടക്കിയതോടെ ഇന്ത്യ സെമിയില്‍ കടക്കുന്നത് സ്വപ്‌നം കണ്ട് ആരാധകര്‍. ഇപ്പോഴത്തെ നിലയില്‍ സെമിയില്‍ കടക്കുക ഇന്ത്യയ്ക്ക് ഏതാണ്ട് അസാധ്യമാണ്. എങ്കിലും വിരാട് കോലിക്കും കൂട്ടര്‍ക്കും മുന്നിലുള്ള സാദ്ധ്യത ഇങ്ങനെയാണ്:

ഏഴാം തീയതി നടക്കുന്ന അഫ്ഗാനിസ്ഥാന്‍-ന്യൂസിലാന്‍ഡ് മല്‍സരത്തില്‍ ജയിച്ചാല്‍ അഫ്ഗാന് 6 പോയിന്റാകും. ഇന്ത്യയ്‌ക്കെതിരേ ഇന്ന് അഫ്ഗാന്‍ ബാറ്റ്‌സ്മാന്മാര്‍ പുറത്തെടുത്ത പോരാട്ട വീര്യം കാണുമ്പോള്‍ അവരെ എഴുതിത്തള്ളാനാവില്ല.

നമീബിയുമായുള്ള മല്‍സരത്തില്‍ സാദ്ധ്യത ന്യൂസിലാന്‍ഡിനു തന്നെയാണ്. അങ്ങനെ സംഭവിച്ചാല്‍ ന്യൂസിലാന്‍ഡിനും ആറു പോയിന്റാകും.

ഇന്ത്യയ്ക്കാകട്ടെ ഇനി നേരിടാനുള്ളത് നമീബിയയേയും  സ്‌കോടലന്‍ഡിനെയും. ഈ രണ്ടു കളികളും ഇന്ത്യ വന്‍ മാര്‍ജിനില്‍ ജയിച്ചാല്‍ ആറു പോയിന്റും നല്ല നെറ്റ് റണ്‍ റേറ്റുമാകും. ഇന്നു തന്നെ 99 റണ്‍സില്‍ അഫ്ഗാനിസ്ഥാനെ ഒതുക്കിയിരുന്നുവെങ്കില്‍ ഇന്ത്യയ്ക്കു നെറ്റ് റണ്‍ റേറ്റില്‍ ഒന്നാമതെത്താമായിരുന്നു.

ഇതൊക്കെ സ്വപ്‌നസമാനമായ കാര്യങ്ങളാണ്. ഇതെല്ലാം സംഭവിച്ചാല്‍ ഒരു ഇന്ത്യ-ഇംഗ്‌ളണ്ട് സെമിയും ഇന്ത്യ-പാകിസ്ഥാന്‍ ഫൈനലുമൊക്കെ കാണാം. വിരാട് കോലി കപ്പുയര്‍ത്തുന്നതും കാണാനായേക്കും. എല്ലാം സാദ്ധ്യതകള്‍ മാത്രമാണ്. സംഭവിക്കട്ടെ എന്നു തന്നെ ആശിക്കാം.

Summary:  At present, it is almost impossible for India to reach the semis of T20 World Cup. However, the odds in front of Virat Kohli and his team are as follows