അഭിനന്ദ് ന്യൂഡല്‍ഹി : പ്രധാനമന്ത്രി നരേന്ദ്ര മോഡിക്കും കേന്ദ്ര സര്‍ക്കാരിനുമെതിരേ രൂക്ഷ വിമര്‍ശനവുമായി പ്രിയങ്കാ ഗാന്ധി രംഗത്ത്. ലഖിംപൂര്‍ ...
അഭിനന്ദ്
ന്യൂഡല്‍ഹി : പ്രധാനമന്ത്രി നരേന്ദ്ര മോഡിക്കും കേന്ദ്ര സര്‍ക്കാരിനുമെതിരേ രൂക്ഷ വിമര്‍ശനവുമായി പ്രിയങ്കാ ഗാന്ധി രംഗത്ത്. ലഖിംപൂര്‍ ഖേരി കൂട്ടക്കൊലയ്‌ക്കെതിരേ പ്രതികരിച്ചുകൊണ്ട് രംഗത്തുവന്ന പ്രിയങ്ക അതിരൂക്ഷമായാണ് കേന്ദ്ര സര്‍ക്കാരിനെയും യുപി സര്‍ക്കാരിനെയും കടന്നാക്രമിക്കുന്നത്.
ഒരുവേള രാഹുല്‍ ഗാന്ധിയെക്കാള്‍ നന്നായി പ്രിയങ്ക രാഷ്ട്രീയത്തില്‍ തിളങ്ങുന്ന കാഴ്ചയുമാണ് കാണാനാവുന്നത്. ലഖിംപുര്‍ സംഭവത്തില്‍ പ്രതിഷേധിക്കാനെത്തിയ പ്രിയങ്കയെ യുപി പൊലീസ് തടവില്‍ വച്ചിരുന്നു. ഇതും ഫലത്തില്‍ പ്രിയങ്കയ്ക്കു രാഷ്ട്രീയ നേട്ടമായി മാറി. തടവില്‍ കിടക്കവേ, തന്റെ മുറി സ്വയം അടിച്ചുവാരുന്ന പ്രിയങ്കയുടെ ചിത്രം വന്‍വാര്‍ത്താ പ്രാധാന്യമാണ് നേടിയത്.
ഇപ്പോള്‍ പ്രധാനമന്ത്രി നരേന്ദ്രമോഡിയുടെ മണ്ഡലമായ വാരാണസിയിലാണ് പ്രിയങ്ക പ്രതിഷേധിക്കാന്‍ എത്തിയിരിക്കുന്നത്.
വാരാണസിയില്‍ പതിനായിരങ്ങളാണ് പ്രിയങ്കയുടെ പ്രസംഗം കേള്‍ക്കാന്‍ ഒഴുകിയെത്തിയത്.
ബിജെപി ഭരിക്കുന്ന ഉത്തര്‍ പ്രദേശില്‍ കര്‍ഷകര്‍ക്കും സ്ത്രീകള്‍ക്കും നീതി ലഭിക്കുന്നില്ല. കര്‍ഷകരെ കൂട്ടക്കൊലയ്ക്കു പിന്നാലെ ലക്‌നൗവില്‍ എത്തിയ പ്രധാനമന്ത്രി നരേന്ദ്രമോഡി ലഖിംപൂരില്‍ പോകാന്‍ സന്മനസ്സു കാട്ടിയില്ല.
ദരിദ്രരെ കേള്‍ക്കാത്ത ഭരണമാണ് ഉത്തര്‍ പ്രദേശില്‍ നടക്കുന്നത്. തന്നെ ജയിലിലടച്ചാലും നിശ്ശബ്ദയാക്കാന്‍ കഴിയില്ലെന്ന് പ്രിയങ്ക പറഞ്ഞു.
हमें शक्ति हमारे संघर्षों से मिलती है। भाजपा सरकार चाहे हमें जेल में डाले, चाहे जितनी रुकावट डाले, लेकिन हम किसानों, नौजवानों, दलितों, महिलाओं और गरीबों की आवाज दबने नहीं देंगे।
— Priyanka Gandhi Vadra (@priyankagandhi) October 10, 2021
मैं उप्र की जनता से आह्वान करती हूं कि न्याय की लड़ाई में हमारे साथ आएं।#KisanKoNyayDo pic.twitter.com/jhadWoRZsd
രാജ്യത്ത് ഇപ്പോള്‍ ബി ജെ പി നേതാക്കളും അവരുടെ പണക്കാരായ സുഹൃത്തുക്കളും മാത്രമാണ് സുരക്ഷിതരെന്നും പ്രിയങ്ക പറഞ്ഞു.
എയര്‍ ഇന്ത്യ ടാറ്റയ്ക്ക് വിറ്റ നടപടിയെ പ്രിയങ്ക അതിരൂക്ഷമായി വിമര്‍ശിച്ചു. പതിനാറായിരം കോടിക്ക് രണ്ട് വിമാനം വിദേശത്തു നിന്നു സ്വന്തം ആവശ്യത്തിനു വാങ്ങിയ പ്രധാനമന്ത്രി എയര്‍ ഇന്ത്യയെ വെറും പതിനെട്ടായിരം കോടി രൂപയ്ക്കു പണക്കാരായ സുഹൃത്തുക്കള്‍ക്ക് വിറ്റുവെന്നാണ് പ്രിയങ്ക ആക്ഷേപിച്ചത്.
(പ്രധാനമന്ത്രിക്കും രാഷ്ട്രപതിക്കും ഉപരാഷ്ട്രപതിക്കും സഞ്ചരിക്കാനായാണ് രണ്ട് അത്യാധുനിക വിമാനങ്ങള്‍ ബോയിംഗില്‍ നിന്ന് 16,000 കോടി രൂപയ്ക്കു അടുത്തിടെ വാങ്ങിയത്. എയര്‍ ഇന്ത്യ വണ്‍ എന്ന പേരിലാണ് ഇവ അറിയപ്പെടുന്നത്. യുഎസ് പ്രസിഡന്റ് ഉപയോഗിക്കുന്ന എയര്‍ ഫോഴ്‌സ് വണിനു സമാനമായ, മിസൈല്‍ കവചം ഉള്‍പ്പെടെ സവിശേഷതകള്‍ ഉള്ളതാണ് എയര്‍ ഇന്ത്യ വണ്‍.)
COMMENTS