മണിമലയാറും അച്ചന്‍കോവിലും അപകടന നിലയില്‍, തിരുവല്ലയില്‍ സ്ഥിതി ആശങ്കാജനകം

As the heavy rains continued, the Thiruvalla-Chengannur MC road was flooded at various places and traffic was paralyzed

ന്യൂസ് ഡെസ്‌ക്

പത്തനംതിട്ട: കനത്ത മഴ തുടരുന്നതിനിടെ, തിരുവല്ല-ചെങ്ങന്നൂര്‍ എം സി റോഡില്‍ വിവിധ ഇടങ്ങളില്‍ വെള്ളം കയറി ഗതാഗതം സ്തംഭിച്ചു.

പത്തനംതിട്ട ജില്ലയില്‍ ഇന്നു രാവിലെ മുതല്‍ ഇടവിട്ടുള്ള മഴ തുടരുകയാണ്. പത്തനംതിട്ടയില്‍ കനത്ത മഴയുണ്ടാകുമെന്ന് കേന്ദ്ര കാലാവസ്ഥ നിരീക്ഷണ കേന്ദ്രം പ്രവചിച്ചിരുന്നു.

ഇടവിട്ട് അതിശക്തമായ മഴയാണ് ഇവിടെ പെയ്യുന്നത്. മഴയെ തുടര്‍ന്ന് അച്ചന്‍കോവില്‍ ആറ്റിലും മണിമലയാറിലും ജലനിരപ്പ് വീണ്ടും ഉയരുന്നുണ്ട്. മഴ ഇങ്ങനെ തുടര്‍ന്നാല്‍ ജല നിരപ്പ് ഉടന്‍ താഴാനന്‍ സാദ്ധ്യതയില്ലെന്നാണ് വിദഗ്ദ്ധര്‍ നല്കുന്ന മുന്നറിയിപ്പ്. 

പന്തളം മുതല്‍ കോന്നി വരെ പലേടത്തും വെള്ളക്കെട്ട് രൂപപ്പെട്ടിട്ടുണ്ട്. ഇതിനാല്‍ ഇവിടെ യാത്രയും മുടങ്ങിയിരിക്കുകയാണ്. 

മണിമലയാറിന്റെ തീരത്ത് പ്രത്യേകിച്ച് തിരുവല്ല മുതല്‍ മല്ലപ്പള്ളി വരെ വെള്ളക്കെട്ട് രൂപപ്പെട്ടിരിക്കുകയാണ്. ചെങ്ങന്നൂര്‍-തിരുവല്ല സംസ്ഥാന പാതയില്‍ വെള്ളം കയറി. ഇവിടെ താഴ്ന്ന ഇടങ്ങളിലുള്ളവരെ മാറ്റി പാര്‍പ്പിച്ചു. അഗ്നിരക്ഷാ സേനയും ദേശീയ ദുരന്ത നിവാരണ സേനയും ജനങ്ങളും സംയുക്തമായാണ് രക്ഷാപ്രവര്‍ത്തനം നടത്തുന്നത്.

തിരുവല്ലയില്‍ സ്ഥിതി ആശങ്കാജനകമാണ്. അപ്പര്‍ കുട്ടനാടാട്ടിന്റെ ഭാഗമായ ഇവിടേക്കാണ് മണിമലയാറ്റിലെ വെള്ളം എത്തുന്നത്. തിരുവല്ലയിലെ താഴ്ന്ന പ്രദേശങ്ങള്‍ വെള്ളത്തില്‍ മുങ്ങിയിരിക്കുകയാണ്.

Summary: As the heavy rains continued, the Thiruvalla-Chengannur MC road was flooded at various places and traffic was paralyzed. Pathanamthitta district has received intermittent rains since this morning. The Central Meteorological Department had forecast heavy rains in Pathanamthitta.