ഇംഗ്‌ളണ്ടിനെ 157 റണ്‍സിന് വീഴ്ത്തി ഓവലില്‍ ഇന്ത്യന്‍ വിജയാഘോഷം

India came out on top in the series, beating England by 157 runs

സ്‌കോര്‍ ഇന്ത്യ 191, 466    *   ഇംഗ്‌ളണ്ട് 290, 210

ലണ്ടന്‍ : പരാജയം മണത്ത കളിയില്‍ അവിശ്വസനീയമായി തിരിച്ചുവന്ന് ഇംഗ്‌ളണ്ടിനെ 157 റണ്‍സിന് തോല്‍പ്പിച്ച് ഇന്ത്യ പരമ്പരയില്‍ മുന്നിലെത്തി. 

രണ്ടാം ഇന്നിംഗ്‌സില്‍ ഇംഗ്ലണ്ടിന് ജയിക്കാന്‍ വേണ്ടിയിരുന്നത് 368 റണ്‍സായിരുന്നു. തുടക്കത്തില്‍ നന്നായി പൊരുതിക്കളിച്ച ഇംഗ്‌ളണ്ട് ഒരുവേള ജയം എത്തിപ്പിടിക്കുമെന്നു വരെ തോന്നലുണ്ടാക്കിയിരുന്നു.

ഓപ്പണര്‍മാരില്‍ റോയ് ജോസഫ് ബേണ്‍സ് 125 പന്തില്‍ 50 റണ്‍സെടുത്തു. കൂട്ടാളിയാ ഹസീബ് ഹമീദ് 193 പന്തില്‍ 63 റണ്‍സ് നേടി. ഇരുവരും വീണതോടെ കളി പതിയെ ഇന്ത്യയുടെ കൈയിലേക്കു വരികയായിരുന്നു. പിന്നീട് 78 പന്തില്‍ 36 റണ്‍സെടുത്ത ജോ റൂട്ട് മാത്രമാണ് അല്പമെങ്കിലും പിടിച്ചു നിന്നത്. ഡേവിഡ് മലാന്‍ (5), ഒലി പോപ് (2), ജോണി ബെയര്‍ സ്‌റ്റോ (0), മൊയീന്‍ അലി (0), ക്രിസ് വോക്‌സ് (18) ക്രെയ്ഗ് ഓവര്‍ടണ്‍ (10), ഒലി റോബിന്‍സണ്‍ (10), ജെയിംസ് ആന്‍ഡേഴ്‌സണ്‍ (2) എന്നിങ്ങനെയാണ് ഇംഗ്‌ളീഷ് നിരയുടെ സംഭാവന.

രണ്ടാം ഇന്നിംഗ്‌സില്‍ ഉമേഷ് യാദവ് മൂന്നു വിക്കറ്റ് വീഴ്ത്തിയപ്പോള്‍ ജസ്പ്രീത് ബുംറ, രവീന്ദ്ര ജഡേജ, ഷാര്‍ദുല്‍ താക്കൂര്‍ എന്നിവര്‍ രണ്ടു വിക്കറ്റ് വീതം വീഴ്ത്തി. മുഹമ്മദ് സിറാജിന് വിക്കറ്റൊന്നു നേടാനായില്ല.

രണ്ടാം ഇന്നിങ്സില്‍ ഇന്ത്യ 466 റണ്‍സിന് എല്ലാവരും പുറത്താകുകയായിരന്നു. ആദ്യ ഇന്നിങ്സില്‍ ഇന്ത്യ 191 റണ്‍സാണ് നേടിയത്. രണ്ടം ഇന്നിംഗ്‌സില്‍ രോഹിത് ശര്‍മയുടെ ഗംഭീര സെഞ്ചുറിയും ക്യാപ്ടന്‍ വിരാട് കോലി (44) ടീം സ്‌കോറിനു ചെറിയ സംഭാവന നല്കി. രവീന്ദ്ര ജഡേജ 17 റണ്‍സെടുത്തു. അജിന്‍ക്യ രഹാനെ റണ്‍സൊന്നും എടുക്കാതെ മടങ്ങി. 

കൈവിട്ടുപോകുമെന്നു കരുതിയ കളി  വിക്കറ്റ് കീപ്പര്‍ ഋഷഭ് പന്തും ശര്‍ദുല്‍ താക്കൂറും അര്‍ദ്ധ സെഞ്ച്വറി യോടെ തിരിച്ചു പിടിക്കുകയായിരുന്നു. 106 പന്തില്‍ നിന്ന്  പന്ത് 50 റണ്‍സ് നേടി. ഏകദിന ശൈലിയില്‍ ബാറ്റു വീശിയ താക്കൂര്‍ 72 പന്തില്‍ നിന്ന് ഒരു സിക്സറും ഏഴ് ബൗണ്ടറിയും അടക്കം 60 റണ്‍സാണ് നേടിയത്. ഈ 60 റണ്‍സ് ഈ ഘട്ടത്തില്‍ ഇന്ത്യയെ സംബന്ധിച്ച് അതിനിര്‍ണായകമായി മാറി. വാലറ്റത്ത് ബുംറ 24ഉം ഉമേഷ് യാദവ് 25 റണ്‍സും നേടി. 

അഞ്ചു മത്സരങ്ങളുടെ പരമ്പരയില്‍ രണ്ടു ജയവുമായി ഇന്ത്യ മുന്നിലെത്തി. ഇംഗ്‌ളണ്ട് ഒരു കളി ജയിച്ചു. ഒരു കളി സമനിലയില്‍ കലാശിച്ചു. അവസാന മത്സരം ഓള്‍ഡ് ട്രഫോഡില്‍ ഈ മാസം 10ന് ആരംഭിക്കും.

Summary: India came out on top in the series, beating England by 157 runs. England needed 368 runs to win the second innings. England, who had fought well in the beginning, seemed to be on the verge of victory.