കാറിന്റെ പ്രവേശന നികുതി ഇളവുമായി ബന്ധപ്പെട്ട ഹര്‍ജി: നടന്‍ ധനുഷിന് ഹൈക്കോടതിയുടെ രൂക്ഷവിമര്‍ശനം; ഹര്‍ജി തള്ളി

Madras high court is against actor Dhanush

ചെന്നൈ: വിദേശത്തു നിന്ന് ഇറക്കുമതി ചെയ്ത കാറിന്റെ പ്രവേശന നികുതി ഇളവുമായി ബന്ധപ്പെട്ട് നടന്‍ ധനുഷിന് ഹൈക്കോടതിയുടെ രൂക്ഷവിമര്‍ശനം. ഈ ആവശ്യവുമായി നടന്‍ നല്‍കിയ പരാതി കോടതി തള്ളി. 

പാവപ്പെട്ട ജനങ്ങള്‍ പോലും യാതൊരു പരാതിയുമില്ലാതെ നികുതി അടയ്ക്കുമ്പോള്‍ താരങ്ങള്‍ കൂടുതല്‍ ഉത്തരവാദിത്തത്തോടെ പെരുമാറണമെന്ന് കോടതി നിര്‍ദ്ദേശിച്ചു. ധനുഷിന്റെ ഉദ്ദേശ്യം സത്യസന്ധമാണെങ്കില്‍ സുപ്രീംകോടതി വിഷയം തീര്‍പ്പാക്കിയശേഷമെങ്കിലും നികുതി അടയ്ക്കുമായിരുന്നെന്നു കോടതി ചൂണ്ടിക്കാട്ടി. 

എത്ര കാര്‍ വേണമെങ്കിലും വാങ്ങിച്ചോളൂ പക്ഷേ കൃത്യമായി നികുതി അടയ്ക്കണമെന്നും കോടതി ചൂണ്ടിക്കാട്ടി. നേരത്തെ നടന്‍ വിജയ്‌യിനും ഹൈക്കോടതിയില്‍ നിന്നും ഇതേ വിഷയത്തില്‍ രൂക്ഷ വിമര്‍ശനം ലഭിച്ചിരുന്നു.

Keywords: Madras high court, actor Dhanush, Reject