കേരളം ഇന്നു നാലര ലക്ഷം പേര്‍ക്കു വാക്‌സിന്‍ നല്കി, 10 ലക്ഷം ഡോസ് പൂഴ്ത്തിയെന്നതു കള്ളപ്രചരണം: മന്ത്രി വീണ

Health Minister Veena George said that 4,53,339 people in Kerala were vaccinated today.

തിരുവനന്തപുരം: കേരളത്തില്‍ ഇന്ന്  4,53,339 പേര്‍ക്ക് വാക്‌സിന്‍ നല്‍കിയെന്ന് ആരോഗ്യമന്ത്രി വീണാ ജോര്‍ജ് അറിയിച്ചു.

ആദ്യമായാണ് ഒരു ദിവസം ഇത്രയേറെ പേര്‍ക്ക് കേരളത്തില്‍ വാക്‌സിന്‍ നല്‍കുന്നത്. ഇന്നു വന്ന 38,860 ഡോസ് കോവാക്‌സിന്‍ ഉള്‍പ്പെടെ ഇനി സംസ്ഥാനത്ത് രണ്ട് ലക്ഷത്തോളം വാക്‌സിന്‍ മാത്രമാണ് സ്റ്റോക്കുള്ളതെന്നും മന്ത്രി അറിയിച്ചു.

കൂടുതല്‍ വാക്‌സിന്‍ ഞായറാഴ്ച കേന്ദ്ര സര്‍ക്കാര്‍ അനുവദിച്ചില്ലെങ്കില്‍ സംസ്ഥാനത്തെ വാക്‌സിനേഷന്‍ അനിശ്ചിതത്വത്തിലാകും. 10 ലക്ഷം ഡോസ് വാക്‌സിന്‍ കേരളം പൂഴ്ത്തി വച്ചിരിക്കുന്നു എന്ന പ്രചരണത്തിന്റെ പൊള്ളത്തരം പൊളിഞ്ഞിരിക്കുകയാണ്. 

ദേശീയ ശരാശരിയേക്കാള്‍ കൂടുതലാണ് കേരളത്തില്‍ വാക്‌സിനേഷന്‍. ആരോഗ്യ പ്രവര്‍ത്തകര്‍ക്കും മുന്നണി പേരാളികള്‍ക്കും ആദ്യ ഡോസ് വാക്‌സിനേഷന്‍ 100 ശതമാനത്തിലെത്തിച്ചുവെന്നും വീണാ ജോര്‍ജ് പറഞ്ഞു.

സംസ്ഥാനത്ത് ഇതുവരെ 1,28,23,869 പേര്‍ക്ക് ഒന്നാം ഡോസ് വാക്‌സിനും 55,66,104 പേര്‍ക്ക് രണ്ടാം ഡോസ് വാക്‌സിനും നല്‍കി. 

ജനസംഖ്യയുടെ 38.39 ശതമാനം പേര്‍ക്ക് ഒന്നാം ഡോസും 16.66 ശതമാനം പേര്‍ക്ക് രണ്ടാം ഡോസും നല്‍കി. 18 വയസിന് മുകളിലുള്ളവരുടെ ജനസംഖ്യയില്‍ 53.43 ശതമാനം പേര്‍ക്ക് ഒന്നാം ഡോസും 23.19 ശതമാനം പേര്‍ക്ക് രണ്ടാം ഡോസും നല്‍കി. ഇത് കേന്ദ്ര ശരാശരിയേക്കാള്‍ വളരെ മുന്നിലാണെന്നും വീണാ ജോര്‍ജ് വ്യക്തമാക്കി.

Summary: Health Minister Veena George said that 4,53,339 people in Kerala were vaccinated today.

This is the first time this much people in Kerala are being vaccinated a day. The minister said there were only about two lakh vaccines in stock in the state.