On Monday, the trade union joint committee called for protest against the central government's policy of uncontrolled increase in petroleum prices.
തിരുവനന്തപുരം: പെട്രോളിയം വില അനിയന്ത്രിതമായി വര്ദ്ധിപ്പിക്കുന്ന കേന്ദ്ര സര്ക്കാര് നയത്തിനെതിരോ തിങ്കളാഴ്ച ചക്ര സ്തംഭന സമരം നടത്തുന്നു.
ചക്രസ്തംഭന സമരത്തിന്റെ ഭാഗമായി തിങ്കളാഴ്ച രാവിലെ 11 മുതല് 11.15 വരെ നിരത്തിലുള്ള എല്ലാ വാഹനങ്ങളും നിര്ത്തിയിട്ട് പ്രതിഷേധിക്കും.
ട്രേഡ് യൂണിയന് സംയുക്ത സമിതി ആഹ്വാനം ചെയ്ത സമരം വിജയിപ്പിക്കണമെന്ന് സിപിഎം സംസ്ഥാന സെക്രട്ടറിയുടെ ചുമതലയുള്ള എ വിജയരാഘവന് അഭ്യര്ഥിച്ചു.
അന്താരാഷ്ട്ര വിപണിയില് അസംസ്കൃത എണ്ണയ്ക്ക് വില ഇടിയുമ്പോഴും, ഇന്ത്യയില് മാത്രം പെട്രോളിയം ഉത്പനങ്ങള്ക്ക് വില കുതിക്കുന്നത് മോഡി സര്ക്കാറിന്റെ ബോധപൂര്വമായ നടപടിയാണെന്ന് അദ്ദേഹം പ്രസ്താവനയില് പറഞ്ഞു.
കേന്ദ്രത്തിന്റെ തലതിരിഞ്ഞ ഇന്ധനനയം കേരളത്തിലെ മോട്ടോര് വ്യവസായ മേഖലയെ തകര്ത്തു. പൊതു, സ്വകാര്യ ട്രാന്സ്പോര്ട് മേഖലയാകെ ദുരിതത്തിലാണ്. ശരാശരി കുടുബ ബജറ്റിനെപോലും ഇന്ധനവില വര്ദ്ധന ബാധിക്കാന് തുടങ്ങിയിരിക്കുന്നു.
അധിക നികുതി വരുമാനം വേണ്ടെന്നുവച്ച് ജനങ്ങളെ സഹായിക്കാന് കേന്ദ്രം തയ്യാറാകുന്നില്ല. കേന്ദ്രം നികുതി കുറച്ചാല്, സ്വാഭാവികമായി സംസ്ഥാന നികുതിയും കുറയും. ഇത് ജനങ്ങള്ക്ക് വലിയ ആശ്വാസമാകും.
ഈ ആവശ്യങ്ങളുമായി നടത്തുന്ന സമരത്തില് എല്ലാവരും അണിചേരണമെന്ന് വിജയരാഘവന് അഭ്യര്ഥിച്ചു.
Summary: On Monday, the trade union joint committee called for protest against the central government's policy of uncontrolled increase in petroleum prices. A Vijayaraghavan, acting CPM state secretary, requested that the strike called by the trade union joint committee be successful.
COMMENTS