കമ്പംമെട്ട്: 14 കാരിക്ക് അശ്ലീല ദൃശ്യങ്ങള് കാട്ടി പ്രീണിപ്പിച്ച് പീഡിപ്പിച്ച് ഗര്ഭിണിയാക്കിയ 16 കാരന് അറസ്റ്റില്. പെണ്കുട്ടി ഗര്ഭിണിയാ...
കമ്പംമെട്ട്: 14 കാരിക്ക് അശ്ലീല ദൃശ്യങ്ങള് കാട്ടി പ്രീണിപ്പിച്ച് പീഡിപ്പിച്ച് ഗര്ഭിണിയാക്കിയ 16 കാരന് അറസ്റ്റില്.
പെണ്കുട്ടി ഗര്ഭിണിയായതോടെയാണ് വിവരം പുറത്തറിയുന്നത്. ഇടുക്കി ജില്ലയിലെ കമ്പംമെട്ട് പൊലീസ് സ്റ്റേഷന് പരിധിയിലാണ് സംഭവം.
16കാരന് പെണ്കുട്ടിയുടെ ബന്ധുവും അയല്വാസിയുമാണ്. ഓണ്ലൈന് പഠനത്തിനു വേണ്ടി പെണ്കുട്ടിക്ക് വീട്ടുകാര് സ്മാര്ട്ട് ഫോണ് വാങ്ങിക്കൊടുത്തിരുന്നു. ഈ ഫോണിലൂടെയാണ് 16 കാരന് പെണ്കുട്ടിയുമായി അടുത്തത്.
അടുപ്പം വളര്ത്തിയ ശേഷം അശ്ലീല വീഡിയോ ദൃശ്യങ്ങള് അയച്ചുകൊടുത്തു. ഇതിലൂടെ അടുപ്പം കൂട്ടിയ ശേഷം പീഡനത്തിനിരയാക്കുകയായിരുന്നു.
മാസങ്ങളായി പീഡനം തുടര്ന്നതായി പെണ്കുട്ടി പൊലീസ് മൊഴി കൊടുത്തിട്ടുണ്ട്. പെണ്കുട്ടിക്ക് കഴിഞ്ഞ ദിവസം കടുത്ത വയറുവേദന അനുഭവപ്പെട്ടതിനെ തുടര്ന്ന് വീട്ടുകാര് ആശുപത്രിയിലെത്തിച്ചപ്പോഴാണ് രണ്ടു മാസം ഗര്ഭിണിയാണെന്നറിയുന്നത്.
ആശുപത്രി അധികൃതര് അറിയിച്ചതനുസരിച്ച് പൊലീസ് എത്തി കേസെടുക്കുകയായിരുന്നു. തുടര്ന്ന് പെണ്കുട്ടിയുടെ മൊഴിയെടുത്തതോടെയാണ് ബന്ധുവായ അയല്വാസിയാണ് പീഡിപ്പിച്ചതെന്ന വിവരം പുറത്തറിയുന്നത്.
പോക്സോ ഉള്പ്പെടെയുള്ള വകുപ്പുകള് ചുമത്തി പ്രതിയെ അറസ്റ്റുചെയ്തു.
Keywords: Rape, Kerala, Kambam Mettu, Idukki, POCSO
COMMENTS