നടന്‍ സുശാന്ത് സിങ്ങിന്റെ മരണവുമായി ബന്ധപ്പെട്ട കേസ്: സി.ബി.ഐ അന്വേഷണത്തിന് ഉത്തരവിട്ട് സുപ്രീംകോടതി

ന്യൂഡല്‍ഹി: ബോളിവുഡ് നടന്‍ സുശാന്ത് സിങ്ങിന്റെ മരണവുമായി ബന്ധപ്പെട്ട കേസ് സി.ബി.ഐയ്ക്ക് വിട്ട് സുപ്രീംകോടതി. സുശാന്തിന്റെ പിതാവ് ബിഹാറില്‍ ര...

ന്യൂഡല്‍ഹി: ബോളിവുഡ് നടന്‍ സുശാന്ത് സിങ്ങിന്റെ മരണവുമായി ബന്ധപ്പെട്ട കേസ് സി.ബി.ഐയ്ക്ക് വിട്ട് സുപ്രീംകോടതി. സുശാന്തിന്റെ പിതാവ് ബിഹാറില്‍ രജിസ്റ്റര്‍ ചെയ്ത കേസ് അംഗീകരിച്ച സുപ്രീംകോടതി സി.ബി.ഐ അന്വേഷണത്തിന് ഉത്തരവിടുകയായിരുന്നു.

ഈ കേസ് ബിഹാറില്‍ നിന്ന് മുംബൈയിലേക്ക് മാറ്റണമെന്ന സുശാന്തിന്റെ മുന്‍ കാമുകി റിയ ചക്രവര്‍ത്തിയുടെ ഹര്‍ജി തള്ളിക്കൊണ്ടായിരുന്നു കോടതി നടപടി. ഈ കേസുമായി ബന്ധപ്പെട്ട എല്ലാ രേഖകളും സി.ബി.ഐയ്ക്ക് കൈമാറാനും കോടതി മുംബൈ പൊലീസിനോട് നിര്‍ദ്ദേശിച്ചു.

റിയ ചക്രവര്‍ത്തിയും കുടുംബവും സുശാന്തിനെ വഞ്ചിച്ചതായും മാനസികമായി പീഡിപ്പിച്ചതായും അക്കൗണ്ടില്‍ നിന്ന് കോടികള്‍ തട്ടിയെടുത്തതായും സുശാന്തിന്റെ പിതാവിന്റെ പരാതിയില്‍ വ്യക്തമാക്കിയിരുന്നു. ഇത് പരിഗണിച്ച കോടതി കേസ് സി.ബി.ഐയ്ക്ക് വിടുകയായിരുന്നു. 

Keywords: Sushant Singh Rajput, Supreme court, CBI, Order