ധോണിയെ സ്‌ക്രീനില്‍ അവതരിപ്പിച്ച താരം സുശാന്ത് സിംഗ് രജപുത്ത് ആത്മഹത്യ ചെയ്ത നിലയില്‍, സുശാന്തിന്റെ മുന്‍ മാനേജര്‍ ദിശ ജീവനൊടുക്കിയത് നാലു ദിവസം മുന്‍പ്

ന്യൂഡല്‍ഹി: എംഎസ് ധോണിയെ സ്‌ക്രീനില്‍ അവതരിപ്പിച്ച് ഇന്ത്യയുടെയാകെ ശ്രദ്ധ നേടിയ നടന്‍ സുശാന്ത് സിംഗ് രജ്പുത്തിനെ മുംബയില്‍ ബാന്ദ്രയിലെ ഫ്‌ളാ...

ന്യൂഡല്‍ഹി: എംഎസ് ധോണിയെ സ്‌ക്രീനില്‍ അവതരിപ്പിച്ച് ഇന്ത്യയുടെയാകെ ശ്രദ്ധ നേടിയ നടന്‍ സുശാന്ത് സിംഗ് രജ്പുത്തിനെ മുംബയില്‍ ബാന്ദ്രയിലെ ഫ്‌ളാറ്റില്‍ തൂങ്ങിമരിച്ച നിലയില്‍ കണ്ടെത്തി. 34 വയസായിരുന്നു.

ലോക്ക് ഡൗണിനെ തുടര്‍ന്ന് ബാന്ദ്രയിലെ ഫ്‌ളാറ്റില്‍ ഒറ്റയ്ക്കായിരുന്നു താമസം.

ടെലിവിഷനിലൂടെയാണ് സുശാന്ത് അഭിനയരംഗത്തെത്തിയത്. പവിത്ര രിഷ്ത എന്ന സീരിയലിലൂടെ ശ്രദ്ധ നേടി. കയ് പോ ചെ എന്ന ചിത്രത്തിലൂടെ ബോളിവുഡില്‍ അരങ്ങേറ്റം കുറിച്ചു.  പിന്നീട് എംഎസ് ധോണിയുടെ ബയോ പികിലൂടെ രാജ്യമെമ്പാടും ആരാധകരെ നേടി. 'എംഎസ് ധോണി: ദ് അണ്‍ടോള്‍ഡ് സ്റ്റോറി' 2016ലെ ഏറ്റവും കൂടുതല്‍ വരുമാനം നേടിയ ബോളിവുഡ് ചിത്രമാണ്. ചിചോറിലാണ് അവസാനമായി അഭിനയിച്ചത്.

തന്റെ മുന്‍ മാനേജര്‍ ദിശാ സാലിയന്‍ നാലു ദിവസം മുന്‍പ് ആത്മഹത്യ ചെയ്തത് സുശാന്തിനെ മാനസികമായി വിഷമിപ്പിച്ചിരുന്നു. 'ഇത് വളരെ വിനാശകരമായ വാര്‍ത്തയാണ്' എന്നാണ് സുശാന്ത് ഇതിനെക്കുറിച്ച് ഇന്‍സ്റ്റഗ്രാമില്‍ കുറിച്ചത്.

സുശാന്ത് സിംഗിന്റെ അകാലനിര്യാണം ബോളിവുഡിനെ ഒന്നാകെ നടുക്കി. 12 ബോളിവുഡ് ചിത്രങ്ങളില്‍ അഭിനയിച്ചു. 

അക്ഷയ് കുമാര്‍, അജയ് ദേവ്ഗണ്‍, റിതീഷ് ദേശ്മുഖ് തുടങ്ങി നിരവധി പേരാണ് സുശാന്തിന്റെ അകാലനിര്യാണത്തില്‍ നടുക്കവും അനുശോചനവും രേഖപ്പെടുത്തിയത്.

ആത്മഹത്യയിലൂടെ ഒരു പ്രശ്‌നത്തിനും പരിഹാരമുണ്ടാക്കാനാവില്ല. കടുത്ത സമ്മര്‍ദ്ദങ്ങളിലൂടെ കടന്നുപോകുന്ന വ്യക്തികള്‍ സൈക്കോളജിസ്റ്റിന്റെയോ സൈക്യാട്രിസ്റ്റിന്റെയോ സഹായം തേടുക. ആത്മഹത്യാ പ്രണതയുണ്ടാകുന്ന വ്യക്തിക്ക് താഴെ പറയുന്ന നമ്പറുകളില്‍ സാഹയം തേടാവുന്നതാണ്.

ദിശ, കേരള സര്‍ക്കാര്‍-1056 (24 മണിക്കൂറും)

തണല്‍, കോഴിക്കോട്

0495 2760000

ദിവസവും: രാവിലെ 10 മുതല്‍ വൈകുന്നേരം 6 വരെ

മൈത്രി, കൊച്ചി

0484 2540530

ദിവസവും: രാവിലെ 10 മുതല്‍ വൈകുന്നേരം 7 വരെ

പ്രത്യാശ, നോര്‍ത്ത് പറവൂര്‍

0484 2448830

ദിവസവും: രാവിലെ 10 മുതല്‍ വൈകുന്നേരം 6 വരെ

പ്രത്യാശ, ഇരിങ്ങാലക്കുട

0480 2820091

സഞ്ജീവനി, തിരുവനന്തപുരം

0471 2533900

തിങ്കള്‍ മുതല്‍ ശനി വരെ: ഉച്ചക്ക് 1 മുതല്‍ 5 വരെ

ദേശീയ തലത്തില്‍ 022 2754 6669 എന്ന ഹെല്‍പ് ലൈന്‍ നമ്പറിലും സഹായം തേടാവുന്നതാണ്.

Summary: Actor Sushant Singh Rajput reportedly committed suicide. The actor was found hanging to the ceiling of his fan of Bandra home in Mumbai and his servant informed the police. Sushant was one of the most renowned actors in the industry and was loved for his performances in movies like MS Dhoni: The Untold Story, Kai Po Che, Kedarnath and Chhichhore among others.

Keywords: Actor Sushant Singh Rajput, MS Dhoni: The Untold Story, Kai Po Che, Kedarnath and Chhichhore among others. Rhea Chakraborty, Bandra, Disha Salian, Mumbai Police, Rohan Rai