കോം ഇന്ത്യക്ക് പുതിയ നേതൃത്വം: വിൻസെന്റ് നെല്ലിക്കുന്നേൽ പ്രസിഡന്റ്, അബ്ദുൽ മുജീബ് സെക്രട്ടറി, ആർ ഗോപീകൃഷ്ണൻ രക്ഷാധികാരി, കെ കെ ശ്രീജിത് ട്രഷറർ

                                                                                                                                      ...

                                                                                                                                     

തിരുവനന്തപുരം: കേരളത്തിലെ മുൻനിര ഓൺലൈൻ മാധ്യമ പ്രതിനിധികളുടെ സംഘടനയായ കോൺഫെഡറേഷൻ ഒഫ് ഓൺലൈൻ മീഡിയ (കോം ഇന്ത്യ) യുടെ പുതിയ പ്രസിഡന്റായി സത്യം ഓൺലൈൻ എഡിറ്റർ വിൻസെന്റ് നെല്ലിക്കുന്നേലിനെയും സെക്രട്ടറിയായി കാസർകോട് വാർത്ത എഡിറ്റർ അബ്ദുൽ മുജീബിനെയും തിരഞ്ഞെടുത്തു.

ട്രൂ വിഷൻ ന്യൂസ് എഡിറ്റർ കെ കെ ശ്രീജിത്താണ് പുതിയ ട്രഷറർ.   മുതിർന്ന മാധ്യമ പ്രവർത്തകൻ ആർ ഗോപീകൃഷ്ണനെ രക്ഷാധികാരിയായി നാമനിർദ്ദേശം ചെയ്യാനും തിരുവനന്തപുരത്തു ചേർന്ന യോഗം തീരുമാനിച്ചു.     
വൈസ് പ്രസിഡന്റായി സോയിമോൻ മാത്യു (മലയാളി വാർത്ത), ജോയിന്റ് സെക്രട്ടറിമാരായി  അജയ് മുത്താന (വൈഗ ന്യൂസ്), കെ ബിജുനു (കേരള ഓൺലൈൻ) എന്നിവരെയും തിരഞ്ഞെടുത്തു.

അൽ അമീൻ (ഇ വാർത്ത), ഷാജൻ സ്കറിയ (മറുനാടൻ മലയാളി), ഷാജി (എക്സ്പ്രസ് കേരള), ബിനു ഫൽഗുനൻ (വൺ ഇന്ത്യ), സാജു കൊമ്പന്‍ (അഴിമുഖം ), സാജ് കുര്യൻ (സൗത്ത് ലൈവ്), വിജേഷ് (ഈസ്റ്റ് കോസ്റ്റ്), കുഞ്ഞിക്കണ്ണന്‍ മുട്ടത്ത്  ( കെ വാര്‍ത്ത ), കെ ആർ  രതീഷ് (ഗ്രാമജ്യോതി) എന്നിവരെ എക്സിക്യൂട്ടീവ് കമ്മറ്റിയിലേക്കും തിരഞ്ഞെടുത്തു.

വാർത്തകൾ അതിവേഗം ജനങ്ങളിലെത്തിക്കുന്ന ഓൺലൈൻ മാധ്യമ പ്രവർത്തകർക്ക് സ്വതന്ത്രമായി പ്രവർത്തിക്കാൻ സംവിധാനം ഏർപ്പെടുത്തണമെന്ന്  കേന്ദ്ര - സംസ്ഥാന സർക്കാരുകളോട് ആവശ്യപ്പെടാനും യോഗം തീരുമാനിച്ചു.

കോം ഇന്ത്യയില്‍ അംഗമാകാന്‍ ആഗ്രഹിക്കുന്ന ഓണ്‍ലൈന്‍ മാധ്യമങ്ങള്‍ക്ക് 4comindia@gmail.com എന്ന ഇ മെയിലിൽ അപേക്ഷ സമര്‍പ്പിക്കുകയോ 9961674536 എന്ന നമ്പരില്‍ വിളിക്കുകയോ ചെയ്യാമെന്ന് ഭാരവാഹികൾ അറിയിച്ചു.                                                                                                                                                                                                                                                               തി