വാളയാര്‍ കേസിലെ പ്രതികള്‍ക്ക് ജാമ്യം അനുവദിച്ചത് പ്രോസിക്യൂഷന്റെ വീഴ്ച: പാലക്കാട് സെഷന്‍സ് കോടതി

പാലക്കാട്: വാളയാറില്‍ പെണ്‍കുട്ടികള്‍ പീഡനത്തിനിരയായി മരിച്ച കേസിലെ പ്രതികള്‍ക്ക് ജാമ്യം അനുവദിച്ചത് പ്രോസിക്യൂഷന്റെ വീഴ്ച കാരണമെന്ന് ...

പാലക്കാട്: വാളയാറില്‍ പെണ്‍കുട്ടികള്‍ പീഡനത്തിനിരയായി മരിച്ച കേസിലെ പ്രതികള്‍ക്ക് ജാമ്യം അനുവദിച്ചത് പ്രോസിക്യൂഷന്റെ വീഴ്ച കാരണമെന്ന് പാലക്കാട് സെഷന്‍സ് കോടതി. ഈ കേസിലെ പ്രതികളായ മധുവിനും പ്രദീപ് കുമാറിനും ജാമ്യം അനുവദിച്ച സെഷന്‍സ് കോടതിയുടെ നടപടിയെ ഹൈക്കോടതി രൂക്ഷമായി വിമര്‍ശിച്ചിരുന്നു.

ഈ വിഷയത്തില്‍ ഹൈക്കോടതി സെഷന്‍സ് കോടതിയോട് വിശദീകരണം ആവശ്യപ്പെട്ടിരുന്നു. സെഷന്‍സ് കോടതിയുടെ റിപ്പോര്‍ട്ടില്‍ പ്രോസിക്യൂഷന്‍ പ്രതികളുടെ ജാമ്യാപേക്ഷ എതിര്‍ത്തിരുന്നില്ലെന്നാണ് വ്യക്തമാക്കുന്നത്.

അതേസമയം ഈ കേസില്‍ പ്രതികള്‍ക്ക് ജാമ്യം നല്‍കുന്നതിനെ താന്‍ എതിര്‍ത്തിരുന്നെന്നും ജഡ്ജി സ്വന്തം അധികാരമുപയോഗിച്ചാണ് ജാമ്യം നല്‍കിയതെന്നും പബ്ലിക് പ്രോസിക്യൂട്ടര്‍ ലത ജയരാജ് വ്യക്തമാക്കി.

Keywords: Walayar case, High court, Bail, Prosecutor, Lower court