തെരഞ്ഞെടുപ്പ് കമ്മീഷന്റെ നടപടികളോടുള്ള അതൃപ്തി പരസ്യമായി പ്രകടിപ്പിച്ച് അശോക് ലവാസ

ന്യൂഡല്‍ഹി: തെരഞ്ഞെടുപ്പ് കമ്മീഷന്റെ നടപടികളോടുള്ള തന്റെ അതൃപ്തി പരസ്യമായി പ്രകടിപ്പിച്ച് കമ്മീഷന്‍ അംഗം അശോക് ലവാസ. ഒരു മാധ്യമത്തിന് നല്...

ന്യൂഡല്‍ഹി: തെരഞ്ഞെടുപ്പ് കമ്മീഷന്റെ നടപടികളോടുള്ള തന്റെ അതൃപ്തി പരസ്യമായി പ്രകടിപ്പിച്ച് കമ്മീഷന്‍ അംഗം അശോക് ലവാസ. ഒരു മാധ്യമത്തിന് നല്‍കിയ അഭിമുഖത്തിലാണ് അദ്ദേഹം ഇങ്ങനെ പരാമര്‍ശം നടത്തിയത്.

പ്രധാനമന്ത്രിക്കും അമിത് ഷായ്ക്കും ക്ലീന്‍ ചിറ്റ് നല്‍കിയ കമ്മീഷന്റെ നടപടിക്കെതിരെയാണ് അശോക് ലവാസ പരസ്യമായി രംഗത്തുവന്നിരിക്കുന്നത്.

ഈ വിഷയത്തിലുള്ള തന്റെ വിയോജിപ്പ് കമ്മീഷന്‍ ഉത്തരവില്‍ രേഖപ്പെടുത്തണമെന്നും അദ്ദേഹം ആവശ്യപ്പെട്ടു.

ഒരു സമിതിയില്‍ ഒന്നിലധികം അംഗങ്ങളുണ്ടെങ്കില്‍, അവരില്‍ വ്യത്യസ്ത അഭിപ്രായമുണ്ടായാല്‍ അത് ഉത്തരവില്‍ രേഖപ്പെടുത്തുന്നതാണ് പതിവ് രീതിയെന്നും അതാണ് താന്‍ ആവശ്യപ്പെടുന്നതെന്നും അദ്ദേഹം വ്യക്തമാക്കി.

ഈ വിഷയത്തില്‍ തെരഞ്ഞെടുപ്പ് കമ്മീഷന്‍ ഇന്ന് യോഗം ചേരാനിരിക്കെയാണ് പരസ്യമായി ലവാസ രംഗത്തുവന്നിരിക്കുന്നത്.

Keywords: Election commission, Clean chit, Ashok lavasa, Prime minister, Amit Shah