പൗരത്വം സംബന്ധിച്ച ആരോപണം: കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധിക്ക് കേന്ദ്ര ആഭ്യന്തര മന്ത്രാലയത്തിന്റെ നോട്ടീസ്

ന്യൂഡല്‍ഹി: പൗരത്വം സംബന്ധിച്ച വിഷയത്തില്‍ കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധിക്ക് കേന്ദ്ര ആഭ്യന്തര മന്ത്രാലയത്തിന്റെ നോട്ടീസ്. ബി.ജെ....

വിവാഹത്തിനു വിസമ്മതിച്ചു, ക്ഷുഭിതയായ യുവതി യുവാവിന്റെ ജനനേന്ദ്രിയം മുറിച്ചു

ശബരിമല കൊടിമരത്തില്‍ വീണ്ടും സ്വര്‍ണ്ണം പൂശി, അട്ടിമറിയല്ലെന്നു പൊലീസ്, ആചാരമെന്ന് പ്രതികള്‍

കൊടിമര ചുവട്ടിൽ ദ്രാവകം ഒഴിച്ചതു തങ്ങൾ തന്നെയെന്ന് ആന്ധ്ര സ്വദേശികൾ സമ്മതിച്ചു, അട്ടിമറിയല്ലെന്നു നിഗമനം

ന്യൂഡല്‍ഹി: പൗരത്വം സംബന്ധിച്ച വിഷയത്തില്‍ കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധിക്ക് കേന്ദ്ര ആഭ്യന്തര മന്ത്രാലയത്തിന്റെ നോട്ടീസ്. ബി.ജെ.പി എം.പി സുബ്രഹ്മണ്യന്‍ സ്വാമിയുടെ പരാതിയുടെ അടിസ്ഥാനത്തിലാണ് നടപടി. രണ്ടാഴ്ചയ്ക്കുള്ളില്‍ നോട്ടീസിന് മറുപടി നല്‍കാനാണ് രാഹുലിനോട് ആവശ്യപ്പെട്ടിരിക്കുന്നത്.

രാഹുല്‍ ഗാന്ധി ബ്രിട്ടീഷ് പൗരനാണെന്ന് കുറച്ചു വര്‍ഷങ്ങളായി സുബ്രഹ്മണ്യന്‍ സ്വാമി ആരോപിക്കുന്നുണ്ട്. 2003 ല്‍ ബ്രിട്ടനില്‍ രജിസ്റ്റര്‍ ചെയ്ത ബാക്കോപ്‌സ് ലിമിറ്റഡ് എന്ന കമ്പനിയുടെ ഡയറക്ടര്‍മാരില്‍ ഒരാളും സെക്രട്ടറിയുമാണ് രാഹുല്‍ ഗാന്ധിയെന്നാണ് സുബ്രഹ്മണ്യന്‍ സ്വാമി ആരോപിക്കുന്നത്.

ഈ ആരോപണങ്ങളുടെ അടിസ്ഥാനത്തിലാണ് ഇപ്പോള്‍ ആഭ്യന്തര മന്ത്രാലയത്തിന്റെ നടപടി. 2016 സ്വാമിയുടെ ആരോപണങ്ങള്‍ക്ക് മറുപടിയായി തെളിവുകളുടെ അടിസ്ഥാനത്തില്‍ തെളിയിക്കാന്‍ രാഹുല്‍ വെല്ലുവിളിച്ചിരുന്നതാണ്.

അതേസമയം ഈ ആരോപണങ്ങള്‍ക്ക് ഇതുവരെ അന്വേഷണം നടത്താതെ ലോക്‌സഭാ തെരഞ്ഞെടുപ്പ് നടന്നുകൊണ്ടിരിക്കുന്നതിനിടയിലുള്ള അന്വേഷണം ശ്രദ്ധേയമാണ്.

Keywords: Rahul Gandhi, Notice, B.J.P, Central government, Election, Citizenship issue