കൊച്ചി: കനത്ത മഴയെ തുടര്ന്ന് ഇടുക്കി, കോട്ടയം, പത്തനംതിട്ട ജില്ലകളിലെ പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങ...
കൊച്ചി: കനത്ത മഴയെ തുടര്ന്ന് ഇടുക്കി, കോട്ടയം, പത്തനംതിട്ട ജില്ലകളിലെ പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു.
ചൊവ്വാഴ്ചത്തെ അവധിക്ക് പകരം മറ്റൊരു ദിവസം പ്രവൃത്തി ദിവസം ആയിരിക്കും.
എറണാകുളം ജില്ലയില് അംഗന്വാടികള് മുതല് പ്ലസ് ടു വരെ സ്റ്റേറ്റ് സിലബസ്, സിബിഎസ്ഇ, ഐസിഎസ്ഇ, ഐഎസ്ഇ സ്കൂളുകള്, കേന്ദ്രീയ വിദ്യാലയങ്ങള് എന്നിവയ്ക്കെല്ലാം അവധി പ്രഖ്യാപിച്ചു.
കോളേജുകള്ക്കും പ്രൊഫഷണല് കോളേജുകള്ക്കും അവധിയില്ല.
ആലപ്പുഴ ജില്ലയിലെ ചേര്ത്തല, അമ്പലപ്പുഴ, കുട്ടനാട്, കാര്ത്തികപ്പള്ളി താലൂക്കുകളിലെ പ്രൊഫഷണല് കോളേജുകള് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ചെങ്ങന്നൂര് താലൂക്കിലെ ദുരിതാശ്വാസക്യാമ്പുകള് പ്രവര്ത്തിക്കുന്ന സ്കൂളുകള്ക്കും ചൊവ്വാഴ്ച കളക്ടര് അവധി പ്രഖ്യാപിച്ചു.
ചൊവ്വാഴ്ച നടത്തുവാന് നിശ്ചയിച്ചിരുന്ന എല്ലാ പരീക്ഷകളും മഹാത്മാഗാന്ധി സര്വ്വകലാശാല മാറ്റിവച്ചു. 16, 17 തീയതികളില് നടത്തുവാന് നിശ്ചയിച്ചിരുന്ന പരീക്ഷകളുടെ പുതുക്കിയ തീയതികള് പിന്നീട് അറിയിക്കും.
ചൊവ്വാഴ്ച നടത്താനിരുന്ന എല്ലാ പരീക്ഷകളും കണ്ണൂര്, കാലിക്കറ്റ് സര്വകലാശാലകള് മാറ്റി. പുതുക്കിയ തീയതി പിന്നീട് അറിയിക്കും.
COMMENTS