കൊച്ചി: സോളര് കേസില് മുന് മുഖ്യമന്ത്രി ഉമ്മന്ചാണ്ടിക്ക് ആശ്വാസമായി ജസ്റ്റീസ് ശിവരാജന് കമ്മീഷന് റിപ്പോര്ട്ടില് ഭേദഗതി വരുത്തി ഹൈക്...
സരിതയുടെ കത്തും ബന്ധപ്പെട്ട പരാമര്ശങ്ങളും ഒഴിവാക്കി വേണം സര്ക്കാര് റിപ്പോര്ട്ട് പരിഗണിക്കാന്. തുടര്നടപടിയെടുക്കുകയോ പത്രക്കുറിപ്പ് ഇറക്കുകയോ ചെയ്തിട്ടുണ്ടെങ്കില് അതു പ്രകാരം പുതുക്കണമെന്നും കോടതി നിര്ദ്ദേശിച്ചു. സോളര് കേസ് പ്രതിയായ സരിതയുടെ കത്ത് റിപ്പോര്ട്ടിന്റെ ഭാഗമാക്കിയ കമ്മീഷന്, സര്ക്കാര് ഏല്പിച്ച പരിഗണനാവിഷയങ്ങള് മറികടന്നുവെന്നായിരുന്നു ഉമ്മന്ചാണ്ടിയുടെ പ്രധാന ആക്ഷേപം.
എന്നാല് ഉമ്മന്ചാണ്ടിയുടെ ഹര്ജി ഭാഗികമായി അനുവദിച്ച കോടതി, മുന്മന്ത്രി തിരുവഞ്ചൂര് രാധാകൃഷ്ണന് നല്കിയ ഹര്ജി തള്ളി. ആഭ്യന്തര മന്ത്രിയെന്ന നിലയില് കേസില്നിന്നു സംരക്ഷിക്കാന് ശ്രമിച്ചുവെന്നായിരുന്നു തിരുവഞ്ചൂരിനെതിരായ ആക്ഷേപം. ഇതിനെതിരെ തന്നെ അപകീര്ത്തിപ്പെടുത്തുന്നു എന്നുപറഞ്ഞ് തിരുവഞ്ചൂര് രാധാകൃഷ്ണന് നല്കിയ ഹര്ജി ഹൈക്കോടതി തള്ളുകയായിരുന്നു.
COMMENTS