ന്യൂഡല്ഹി: ബോളിവുഡ് നടന് സല്മാന് ഖാന് വിദേശയാത്രയ്ക്ക് ജോധ്പൂര് സെഷന്സ് കോടതി അനുമതി നല്കി. നാല് രാജ്യങ്ങള് സന്ദര്ശിക്കുന്നത...
കൃഷ്ണമൃഗത്തെ വേട്ടയാടിയ കേസില് 5 വര്ഷത്തെ തടവിന് ശിക്ഷിക്കപ്പെട്ടതിനു ശേഷം ജാമ്യത്തിലായിരുന്നു സല്മാന്ഖാന്. രാജ്യം വിടരുത്, അടുത്ത മാസം 7നു കോടതിയില് ഹാജരാകണം എന്നീ വ്യവസ്ഥകളോടെയാണ് സല്മാന് ജാമ്യം അനുവദിച്ചിരുന്നത്. ഈ സാഹചര്യത്തിലാണ് സല്മാന് ഖാന് വിദേശയാത്രയ്ക്ക് അനുമതി തേടിയത്.
നേരത്തെ ജോധ്പൂര് സെഷന്സ് കോടതി 50,000 രൂപയുടെ ബോണ്ടില് സല്മാന് ജാമ്യം അനുവദിച്ചിരുന്നു. സല്മാനടക്കം ഏഴുപേരാണ് കേസിലെ പ്രതികള്.
1998 സെപ്റ്റംബര് 26ന് ജോധ്പൂരിലെ ഭവാദില് വച്ചും 28ന് ഗോദാഫാമില് വച്ചുമാണ് സല്മാന് കൃഷ്ണമൃഗത്തെ വേട്ടയാടിയത്. ഹം സാഥ് സാഥ് ഹേന് എന്ന സിനിമയുടെ ചിത്രീകരണത്തിനിടെയായിരുന്നു സംഭവം. 20 വര്ഷത്തെ നിയമപോരാട്ടത്തിനു ശേഷമാണ് സല്മാന്ഖാന് ശിക്ഷിക്കപ്പെട്ടത്. നേരത്തെ ലൈസന്സില്ലാത്ത ആയുധങ്ങള് കൈവശംവച്ച കേസില് സല്മാനെ കോടതി വെറുതേ വിട്ടിരുന്നു.
COMMENTS