ഇന്ഡോര്: മധ്യപ്രദേശിലെ ഇന്ഡോറില് സ്കൂട്ടറില് പോകുകയായിരുന്ന മോഡലിനെ അപമാനിക്കാന് ശ്രമിച്ച രണ്ടുപേരെ പൊലീസ് അറസ്റ്റ് ചെയ്തു. മോഡലിന...
കഴിഞ്ഞ ദിവസം തനിക്ക് നേരിടേണ്ടിവന്ന അപമാനം മോഡല് ട്വിറ്ററിലൂടെ പങ്കുവച്ചിരുന്നു. സ്കൂട്ടറില് സഞ്ചരിക്കുന്നതിനിടയിലുണ്ടായ ആക്രമണമായതിനാല് ഇവര് നിലത്ത് വീഴുകയും പരിക്കേല്ക്കുകയും ചെയ്തിരുന്നു. എന്നാല് സംഭവത്തോട് പ്രതികരിക്കാന് ആരും തയ്യാറായില്ലെന്നും താന് വീണെന്ന് കണ്ട ഉടന് തന്നെ അക്രമികള് രക്ഷപ്പെട്ടുവെന്നും മോഡല് പറഞ്ഞിരുന്നു. പ്രായമായ ഒരാളാണ് തന്നെ വീണിടത്തുനിന്ന് പിടിച്ചെഴുന്നേല്പ്പിച്ചതെന്നും തനിക്കിത് സംഭവിച്ചത് താന് പാവാട ധരിച്ചതുകൊണ്ടാണെന്നായിരുന്നു അയാളുടെ പ്രതികരണമെന്നും അവര് ട്വിറ്റില് കുറിച്ചിരുന്നു.
മോഡലിന്റെ ട്വീറ്റ് വൈറലായതോടെ പ്രതികളെ ഉടന് കണ്ടെത്തണമെന്ന ആവശ്യം ഉയര്ന്നിരുന്നു. ബൈക്കിലെത്തിയവരുടെ വണ്ടി നമ്പര് ആര്ക്കും അറിയില്ലായിരുന്നു. പിന്നീട് സി.സി ടി.വി ദൃശ്യങ്ങള് പരിശോധിച്ചാണ് പ്രതികളെ കണ്ടെത്തിയത്. ആക്രമണം നടന്ന് 24 മണിക്കൂറിനുളളില് പ്രതികളെ കണ്ടെത്തിയ പൊലീസ് സംഘത്തിലെ മുഴുവന് ഉദ്യോഗസ്ഥര്ക്കും പാരിതോഷികമായി 20,000 രൂപ നല്കുമെന്ന് മുതിര്ന്ന പൊലീസ് ഉദ്യോഗസ്ഥന് അറിയിച്ചു
COMMENTS