നടന്‍ അമിതാഭ് ബച്ചന് ഷൂട്ടിംഗിനിടെ ദേഹാസ്വാസ്ഥ്യം; ഡോക്ടര്‍മാരുടെ സംഘം ജോധ്പൂരിലേക്ക് തിരിച്ചു

ജോധ്പൂര്‍: ഷൂട്ടിംഗിനിടെ നടന്‍ അമിതാഭ് ബച്ചന് ദേഹാസ്വാസ്ഥ്യമുണ്ടായി. തഗ്‌സ് ഓഫ് ഹിന്ദുസ്ഥാന്‍ എന്ന ചിത്രത്തിന്റെ ഷൂട്ടിങ്ങിനിടെയാണ് അമിത...

ജോധ്പൂര്‍: ഷൂട്ടിംഗിനിടെ നടന്‍ അമിതാഭ് ബച്ചന് ദേഹാസ്വാസ്ഥ്യമുണ്ടായി. തഗ്‌സ് ഓഫ് ഹിന്ദുസ്ഥാന്‍ എന്ന ചിത്രത്തിന്റെ ഷൂട്ടിങ്ങിനിടെയാണ് അമിതാഭ് ബച്ചന് ശാരീരികാസ്വാസ്ഥ്യം അനുഭവപ്പെട്ടത്. അദ്ദേഹത്തിന്റെ ശുശ്രൂഷയ്ക്കായി ഡോക്ടര്‍മാരുടെ ഒരു സംഘം ജോധ്പൂരിലേക്ക് തിരിച്ചിട്ടുണ്ട്.

ദേഹാസ്വാസ്ഥ്യമുണ്ടായ കാര്യം അമിതാഭ് ബച്ചന്‍ തന്നെയാണ് തന്റെ ബ്ലോഗിലൂടെ അറിയിച്ചത്. താന്‍ വിശ്രമത്തിലാണെന്നും വേദനയില്ലാതെ വിജയമില്ലെന്നും അദ്ദേഹം ബ്ലോഗില്‍ കുറിച്ചു.

അമിതാഭ് ബച്ചന്‍ മുംബൈയിലേക്ക് മടങ്ങിയെന്ന് വാര്‍ത്തകളുണ്ടായിരുന്നെങ്കിലും അദ്ദേഹവുമായി ബന്ധപ്പെട്ട വൃത്തങ്ങള്‍ അത് നിഷേധിച്ചു.