മാലദ്വീപില്‍ പ്രതിസന്ധി രൂക്ഷം, അടിയന്തരാവസ്ഥ പ്രഖ്യാപിച്ചതിനു പിന്നാലെ ജഡ്ജിമാരും പ്രതിപക്ഷനേതാവും അറസ്റ്റില്‍

മാലെ: മാലിദ്വീപില്‍ അടിയന്തരാവസ്ഥ പ്രഖ്യാപിച്ച് മണിക്കൂറുകള്‍ക്കു ശേഷം രണ്ട് സുപ്രീം കോടതി ജഡ്ജിമാരെയും പ്രതിപക്ഷ നേതാവിനെയും അറസ്റ്റ് ചെ...

മാർപാപ്പയുടെ ആരോഗ്യനിലയിൽ നേരിയ പുരോഗതി പ്രാർത്ഥനകൾക്ക് നന്ദി അറിയിച്ചു വത്തിക്കാൻ

കുടിയേറ്റക്കാരെ കയ്യിലും കാലിലും വിലങ്ങണിയിച്ച് നാടുകത്തുന്ന ദൃശ്യങ്ങള്‍ പുറത്തുവിട്ട് വൈറ്റ് ഹൗസ്

ശ്വാസകോശ അണുബാധ: ഫ്രാന്‍സിസ് മാര്‍പ്പാപ്പയുടെ ആരോഗ്യനില അതീവ ഗുരുതരമായി തുടരുന്നു

മാലെ: മാലിദ്വീപില്‍ അടിയന്തരാവസ്ഥ പ്രഖ്യാപിച്ച് മണിക്കൂറുകള്‍ക്കു ശേഷം രണ്ട് സുപ്രീം കോടതി ജഡ്ജിമാരെയും പ്രതിപക്ഷ നേതാവിനെയും അറസ്റ്റ് ചെയ്തു. ചീഫ് ജസ്റ്റിസ് അബ്ദുള്ള സെയീദ്, ജസ്റ്റിസ് അലി ഹമീദ് എന്നിവരാണ് ചൊവ്വാഴ്ച പുലര്‍ച്ചെ അറസ്റ്റിലായ ജഡ്ജിമാര്‍. പൊലീസ് ട്വിറ്ററിലൂടെയാണ് ജഡ്ജിമാരുടെയും പ്രതിപക്ഷനേതാവിന്റെയും അറസ്റ്റ് വിവരം അറിയിച്ചത്.

തിങ്കളാഴ്ചയാണ് മാലദ്വീപില്‍ അടിയന്തരാവസ്ഥ പ്രഖ്യാപിച്ചത്. രാഷ്ട്രീയ തടവുകരെ വിട്ടയക്കണമെന്ന സുപ്രീം കോടതി ഉത്തരവിനെ തുടര്‍ന്ന് സര്‍ക്കാരും കോടതിയും തമ്മില്‍ ഉടലെടുത്ത അഭിപ്രായഭിന്നതയാണ് നടപടിയിലേക്കു നയിച്ചത്. 15 ദിവസത്തേക്കാണ് അടിയന്തരാവസ്ഥ പ്രഖ്യാപിച്ചത്.

അടിയന്തരാവസ്ഥ ഏര്‍പ്പെടുത്തുന്ന വിവരം നിയമവകുപ്പുമന്ത്രി അസിമാ ഷൂക്കൂര്‍ ആണ് ഔദ്യോഗിക ടെലിവിഷനിലൂടെ അറിയിച്ചത്.

പ്രസിഡന്റ് അബ്ദുള്ള യാമീന്റെ ഭരണത്തില്‍ ഇതു രണ്ടാം തവണയാണ് രാജ്യത്ത് അടിയന്തരാവസ്ഥ പ്രഖ്യാപിക്കുന്നത്. നേരത്തെ 2015 ലാണ് അടിയന്തരാവസ്ഥ പ്രഖ്യാപിച്ചിരുന്നു. യാമീനു നേരെ വധശ്രമം ഉണ്ടായപ്പോഴായിരുന്നു  നടപടി.

സുപ്രീം കോടതി വിട്ടയയ്ക്കാന്‍ ഉത്തരവിട്ട രാഷ്ട്രീയ തടവുകാരില്‍ മുന്‍ പ്രസിഡന്റ് മുഹമ്മദ് നഷീദും ഉള്‍പ്പെടുന്നു.

വിധി പുനപരിശോധിക്കണം എന്നാവശ്യപ്പെട്ട് യാമീന്‍ സുപ്രീം കോടതി ജഡ്ജിമാര്‍ക്ക് മൂന്നു കത്തുകള്‍ അയച്ചിരുന്നു. അതിനു പിന്നാലെയാണ് അടിയന്തരാവസ്ഥ പ്രഖ്യാപിച്ചത്.

Keywords: Maldives, Emergency, president, arrest, judges, opposition leader