BREAKING NEWS
Search

മാധ്യമപ്രവര്‍ത്തകന്‍ അപകടത്തില്‍ മരിച്ചു, മൃതദേഹം ആശുപത്രിയില്‍ എത്തിച്ചത് മാലിന്യവണ്ടിയില്‍, മൃതദേഹം തൊടാന്‍ മടിച്ച് ആശുപത്രി അധികൃതര്‍, പൊലീസ് നടപടി വിവാദമായി

ബെംഗളൂരു:  അപകടത്തില്‍ മരിച്ച മാധ്യമപ്രവര്‍ത്തകന്റെ മൃതദേഹം പൊലീസ് മാലിന്യവണ്ടിയില്‍ ആശുപത്രിയില്‍ എത്തിച്ചു. ദൃശ്യമാധ്യമ പ്രവര്‍ത്തകന്‍ മൗനിഷ് പോത്രജിന്റെ മൃതദേഹത്തോടാണ് പൊലീസ് അനാദരവ് കാട്ടിയത്. പൊലീസിന്റെ നടപടി വന്‍ പ്രതിഷേധത്തിനു കാരണമായിട്ടുണ്ട്.

ഞായറാഴ്ച ഉച്ചക്കാണ് ഗാഡഗിലുണ്ടായ അപകടത്തില്‍ മൗനിഷ് മരിച്ചത്. മൗനിഷ് സഞ്ചരിച്ചിരുന്ന ബൈക്ക് മരത്തിലിടിച്ചാണ് അപകടമുണ്ടായത്. തലയ്ക്കു ഗുരുതരമായി പരിക്കേറ്റ മൗനിഷ് സംഭവസ്ഥലത്തുവച്ചുതന്നെ മരിച്ചു.

അപകടസ്ഥലത്തെത്തിയ പൊലീസ് മുനിസിപ്പാലിറ്റിയുടെ മാലിന്യവണ്ടിയില്‍ മൃതദേഹം കയറ്റി ആശുപത്രിയില്‍ എത്തിക്കുകയായിരുന്നു.

മറ്റു വാഹനങ്ങള്‍ കിട്ടാത്തതുകൊണ്ടാണ് മാലിന്യവണ്ടിയില്‍ മൃതദേഹം ആശുപത്രിയില്‍ എത്തിച്ചതെന്നാണ് പൊലീസ് പറയുന്നത്.

മാലിന്യവണ്ടിയില്‍ കൊണ്ടുവന്ന മൃതദേഹം തൊടാന്‍ ആശുപത്രി ജീവനക്കാര്‍ തയ്യാറായില്ല. വിവരം അറിഞ്ഞ് ആശുപത്രിയില്‍ തടിച്ചുകൂടിയ മാധ്യമപ്രവര്‍ത്തകര്‍ പ്രതിഷേധിച്ചു.

സംഭവത്തെ കുറിച്ച് അന്വേഷിച്ച് റിപ്പോര്‍ട്ട് നല്‍കാന്‍ മുഖ്യമന്ത്രി സിദ്ധരാമയ്യ ഡിജിപിയോട് ആവശ്യപ്പെട്ടിട്ടുണ്ട്.


Keywords: Jounalist, Accident, dead body, garbage truck, police, Karnataka



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ മാധ്യമപ്രവര്‍ത്തകന്‍ അപകടത്തില്‍ മരിച്ചു, മൃതദേഹം ആശുപത്രിയില്‍ എത്തിച്ചത് മാലിന്യവണ്ടിയില്‍, മൃതദേഹം തൊടാന്‍ മടിച്ച് ആശുപത്രി അധികൃതര്‍, പൊലീസ് നടപടി വിവാദമായി