പൊന്നാനിയിലെ വിരുന്ന് വിവാദം: 'മഴക്കാലത്ത് മുഖ്യമന്ത്രി പട്ടിണി കിടക്കണമെന്നാണോ?' എന്ന് കെ.പി. നൗഷാദ് അലി എം.എൽ.എ

പൊന്നാനി: സംസ്ഥാനം കനത്ത മഴക്കെടുതി നേരിടുന്നതിനിടെ മലബാറിലെ വിവിധ പരിപാടികളിൽ പങ്കെടുക്കാനെത്തിയ മുഖ്യമന്ത്രി വി.ഡി. സതീശൻ പൊന്നാനിയിലെ വീട...

പൊന്നാനി: സംസ്ഥാനം കനത്ത മഴക്കെടുതി നേരിടുന്നതിനിടെ മലബാറിലെ വിവിധ പരിപാടികളിൽ പങ്കെടുക്കാനെത്തിയ മുഖ്യമന്ത്രി വി.ഡി. സതീശൻ പൊന്നാനിയിലെ വീട്ടിൽ ഉച്ചഭക്ഷണം കഴിച്ചതു വിവാദമാക്കുന്നവർക്കെതിരെ കടുത്ത വിമർശനവുമായി കെ.പി. നൗഷാദ് അലി എം.എൽ.എ. 

മഴക്കാലത്ത് മുഖ്യമന്ത്രി എവിടെയും പോകരുതെന്നോ പട്ടിണി കിടക്കണമെന്നാണോ ഇത്തരക്കാർ ഉദ്ദേശിക്കുന്നതെന്ന് അദ്ദേഹം ചോദിച്ചു.മുതിർന്ന കോൺഗ്രസ് നേതാവ് സി. ഹരിദാസിനെ സന്ദർശിക്കാനാണ് മുഖ്യമന്ത്രി പൊന്നാനിയിൽ എത്തിയത്. ഇതിനിടെയാണ് മുസ്‌ലിം യൂത്ത് ലീഗ് സംസ്ഥാന വൈസ് പ്രസിഡന്റ് ഫൈസൽ ബഫാഖി തങ്ങളുടെ വീട്ടിൽ ഒരുക്കിയ ഉച്ചഭക്ഷണത്തിൽ അദ്ദേഹം പങ്കെടുത്തത്. കേരളം കനത്ത പ്രളയക്കെടുതി നേരിടുന്ന സാഹചര്യത്തിൽ മുഖ്യമന്ത്രി വിരുന്നുകളിൽ പങ്കെടുക്കുന്നത് അനൗചിത്യമാണെന്ന് കാണിച്ച് പ്രതിപക്ഷ സംഘടനകളും സോഷ്യൽ മീഡിയയും വിമർശനം ഉന്നയിച്ചിരുന്നു.

എന്നാൽ ഈ വിവാദങ്ങൾ പൂർണ്ണമായും രാഷ്ട്രീയ പ്രേരിതമാണെന്ന് നൗഷാദ് അലി എം.എൽ.എ വ്യക്തമാക്കി. യാത്രയ്ക്കിടയിൽ ഒരു സഹപ്രവർത്തകന്റെ വീട്ടിൽ നിന്ന് ഭക്ഷണം കഴിക്കുന്നത് തികച്ചും സ്വാഭാവികമായ കാര്യമാണ്. ഇതിന്റെ ചിത്രങ്ങൾ ദുരുദ്ദേശപരമായി പ്രചരിപ്പിച്ച് വിവാദം സൃഷ്ടിക്കുന്നത് യഥാർത്ഥ ജനകീയ പ്രശ്നങ്ങളിൽ നിന്ന് ശ്രദ്ധ തിരിച്ചുവിടാനാണെന്നും അദ്ദേഹം കുറ്റപ്പെടുത്തി.

Key Words : VD Satheesan, Food Controversy