വ്യാജ പിസ്സ ഓര്‍ഡര്‍ നല്‍കി കെണിയിലാക്കി യു.എസില്‍ ഇന്ത്യന്‍ യുവാവിനെ വെടിവച്ചുകൊന്നു

Indian Youth Shot Dead in US After Being Lured by Fake Pizza Order

ന്യൂഡല്‍ഹി : യു.എസിലെ ഫിലാഡല്‍ഫിയയില്‍ വച്ചുണ്ടായ വെടിവയ്പ്പില്‍ തെലങ്കാന സ്വദേശിയായ 28-കാരന്‍ അന്‍ഷുല്‍ കുഞ്ച കൊല്ലപ്പെട്ടു. പ്രമുഖ മള്‍ട്ടിനാഷണല്‍ കമ്പനിയില്‍ ജോലി ചെയ്തിരുന്ന അന്‍ഷുല്‍, അധിക വരുമാനത്തിനായി വാരാന്ത്യങ്ങളില്‍ പാര്‍ട്ട് ടൈം ആയി പിസ്സ ഡെലിവറി എക്‌സിക്യൂട്ടീവായി ജോലി ചെയ്തു വരികയായിരുന്നു.

വ്യാജ പിസ്സ ഓര്‍ഡര്‍ നല്‍കി ആളൊഴിഞ്ഞ സ്ഥലത്തേക്ക് വിളിച്ചുവരുത്തിയാണ് ഇയാളെ കൊലപ്പെടുത്തിയത്. ശനിയാഴ്ച രാത്രിയാണ് ആളൊഴിഞ്ഞ സ്ഥലത്തേക്ക് ഇയാള്‍ക്ക് വ്യാജ ഡെലിവറി ഓര്‍ഡര്‍ ലഭിക്കുന്നത്. അന്‍ഷുല്‍ സ്ഥലത്തെത്തിയ ഉടന്‍, അവിടെയുണ്ടായിരുന്ന അജ്ഞാതന്‍ ഇയാള്‍ക്ക് നേരെ പലതവണ തലയ്ക്ക് വെടിയുതിര്‍ക്കുകയായിരുന്നു. തുടര്‍ന്ന് പ്രതി സംഭവസ്ഥലത്തുനിന്ന് ഓടി രക്ഷപ്പെട്ടു.

അന്‍ഷുലിന്റെ പക്കല്‍ നിന്നു സാധനങ്ങളോ പണമോ നഷ്ടപ്പെട്ടിട്ടില്ലെന്നും, അതിനാല്‍ കൊലപാതകത്തിന് പിന്നിലെ ലക്ഷ്യത്തില്‍ ദുരൂഹതയുണ്ടെന്നും കുടുംബം പറയുന്നു. ആക്രമണം നടന്ന സമയത്ത് രണ്ട് മുഖംമൂടി ധരിച്ച തോക്കുധാരികളെ പ്രദേശത്ത് കണ്ടതായി റിപ്പോര്‍ട്ടുകളുണ്ട്.

മുന്‍പും അന്‍ഷുല്‍ യു.എസില്‍ വച്ച് ഒരു കവര്‍ച്ചയ്ക്ക് ഇരയായിട്ടുണ്ടെന്നും അന്ന് അയാളുടെ മാലയും ഫോണും പണവും കവര്‍ന്നിരുന്നതായും കുടുംബം ഓര്‍ത്തു. എന്നാല്‍ ജീവന് ഭീഷണിയാകുന്ന രീതിയിലുള്ള ആക്രമണം ഇതാദ്യമായാണ്.

'അവനെ കൊല്ലാന്‍ വേണ്ടി മാത്രം കരുതിക്കൂട്ടി ഒരുക്കിയ കെണിയായിരുന്നു അത്,' അന്‍ഷുലിന്റെ സഹോദരി തന്‍വി ആരോപിച്ചു. 'ആളൊഴിഞ്ഞ ഒരു പ്രദേശത്ത് പിസ്സ എത്തിക്കാനാണ് അവനോട് ആവശ്യപ്പെട്ടത്. എന്നാല്‍ അതൊരു കെണിയായിരുന്നു. അവിടെ ആരും ഉണ്ടായിരുന്നില്ല; അവനെ കൊല്ലാന്‍ വേണ്ടി മാത്രം ചെയ്തതായിരുന്നു അത്. ഇതിലൂടെ അവര്‍ക്ക് എന്താണ് ലഭിച്ചതെന്നോ അവരുടെ ലക്ഷ്യം എന്തായിരുന്നുവെന്നോ ഞങ്ങള്‍ക്ക് അറിയില്ല. അവര്‍ എന്റെ സഹോദരനെ കൊന്നുകളഞ്ഞു,' തന്‍വി പറഞ്ഞു.

അന്‍ഷുലിന്റെ മൃതദേഹം എത്രയും വേഗം ഇന്ത്യയിലേക്ക് എത്തിക്കാന്‍ അധികൃതര്‍ നടപടി സ്വീകരിക്കണമെന്ന് കുടുംബം അഭ്യര്‍ത്ഥിച്ചു. 'എന്റെ സഹോദരന്‍ എല്ലാവരെയും സ്‌നേഹിക്കുന്ന, സന്തോഷവാനായ ഒരു വ്യക്തിയായിരുന്നു. അവന്‍ നാല് വര്‍ഷത്തോളമായി യു.എസിലായിരുന്നു. വ്യാജ പിസ്സ ഡെലിവറി അഭ്യര്‍ത്ഥനയിലൂടെ അവനെ കെണിയില്‍ പെടുത്തുകയും വെടിവച്ചു കൊലപ്പെടുത്തുകയും ചെയ്തുവെന്നാണ് ഞങ്ങള്‍ അറിഞ്ഞത്. അവന്റെ മൃതദേഹം എത്രയും വേഗം ഇന്ത്യയിലേക്ക് തിരികെ എത്തിക്കുക എന്നത് മാത്രമാണ് ഞങ്ങളുടെ ഏക ആവശ്യം,' അവര്‍ കൂട്ടിച്ചേര്‍ത്തു.

തിങ്കളാഴ്ച മൃതദേഹം വിട്ടുനല്‍കാന്‍ കഴിയുമെന്ന് ഉദ്യോഗസ്ഥര്‍ അറിയിച്ചിട്ടുണ്ടെന്നും, എന്നാല്‍ ചടങ്ങുകള്‍ വൈകാതെ നടത്താന്‍ നടപടികള്‍ വേഗത്തിലാക്കണമെന്നും തന്‍വി ആവശ്യപ്പെട്ടു. കൊലപാതകത്തിന് പിന്നില്‍ പ്രത്യേകമായി ആരെയും സംശയിക്കുന്നില്ലെന്നും എന്നാല്‍ കുറ്റവാളികളെ കണ്ടെത്തി ശിക്ഷിക്കണമെന്നും അവര്‍ പറഞ്ഞു.

മാധ്യമങ്ങളോട് സംസാരിക്കവെ, തങ്ങളുടെ മക്കളെ യു.എസിലേക്ക് അയക്കരുതെന്ന് തന്‍വി മറ്റ് മാതാപിതാക്കളോട് അഭ്യര്‍ത്ഥിച്ചു:

'യു.എസിലേക്ക് മക്കളെ അയക്കാന്‍ ആഗ്രഹിക്കുന്ന എല്ലാ മാതാപിതാക്കള്‍ക്കുമുള്ള സന്ദേശമാണിത്: എന്റെ സഹോദരന്‍ വളരെ സ്‌നേഹമുള്ളവനായിരുന്നു. അവന് യു.എസിലേക്ക് പോകേണ്ട ഒരു ആവശ്യവുമില്ലായിരുന്നു, എങ്കിലും ഞങ്ങള്‍ അവനെ അയച്ചു. അവനും പോകാന്‍ താല്‍പ്പര്യമില്ലായിരുന്നു, പക്ഷേ അവന്‍ പോയി, ഇപ്പോള്‍ എന്താണ് സംഭവിച്ചതെന്ന് നോക്കൂ. നിങ്ങളുടെ മക്കളെ യു.എസിലേക്ക് അയക്കരുത്.'

ന്യൂയോര്‍ക്കിലെ ഇന്ത്യന്‍ കോണ്‍സുലേറ്റ് ജനറല്‍ സംഭവത്തില്‍ അനുശോചനം രേഖപ്പെടുത്തുകയും പ്രാദേശിക അധികാരികളുമായും കുടുംബവുമായും ബന്ധപ്പെടുന്നുണ്ടെന്ന് അറിയിക്കുകയും ചെയ്തു. ആവശ്യമായ എല്ലാ സഹായങ്ങളും നല്‍കുമെന്നും കോണ്‍സുലേറ്റ് വ്യക്തമാക്കി.

'ഫിലാഡല്‍ഫിയയില്‍ ഇന്ത്യന്‍ പൗരനായ അന്‍ഷുല്‍ കുഞ്ചയുടെ അകാല വിയോഗത്തില്‍ ഞങ്ങള്‍ അതീവ ദുഃഖിതരാണ്. ഈ വിഷമഘട്ടത്തില്‍ അദ്ദേഹത്തിന്റെ കുടുംബത്തിന് ഞങ്ങളുടെ ആത്മാര്‍ത്ഥമായ അനുശോചനം അറിയിക്കുന്നു. കോണ്‍സുലേറ്റ് അന്‍ഷുലിന്റെ കുടുംബവുമായി ബന്ധപ്പെടുന്നുണ്ട് കൂടാതെ സാധ്യമായ എല്ലാ സഹായങ്ങളും നല്‍കി വരുന്നു,' കോണ്‍സുലേറ്റ് എക്‌സ് പ്ലാറ്റ്ഫോമില്‍ കുറിച്ചു.

Summary: New Delhi: A 28-year-old native of Telangana, Anshul Kuncha, was shot dead in Philadelphia, USA. Employed with a leading multinational company, Anshul used to work part-time as a pizza delivery executive on weekends to earn extra income.

He was killed after being lured to a deserted location through a fake pizza order. On Saturday night, he received a fake delivery request for an isolated spot. As soon as Anshul reached the location, an unidentified assailant fired at his head multiple times before fleeing the scene.

According to his family, nothing was stolen from Anshul's possession, raising suspicions regarding the motive behind the murder. Reports indicate that two masked gunmen carrying backpacks were spotted in the area around the time of the attack.

The family recalled that Anshul had previously fallen victim to a robbery in the US, during which his chain, phone, and cash were stolen. However, this was the first time he had faced a life-threatening attack.