തിരുവനന്തപുരം കോർപ്പറേഷനിൽ കയ്യാങ്കളി; യുഡിഎഫ് അംഗങ്ങൾ റജിസ്റ്ററിൽ ഒപ്പിടാൻ ശ്രമിച്ചത് ബിജെപി കൗൺസിലർ തടഞ്ഞു, ശബരിനാഥിന് നേരേ കൈയ്യേറ്റം

തിരുവനന്തപുരം : ഭരണസ്‌തംഭനം ആരോപിച്ച് പ്രതിപക്ഷ കക്ഷികളായ സിപിഎമ്മും കോൺഗ്രസും ബിജെപിക്കെതിരെ പ്രതിഷേധിച്ചതോടെ കോർപറേഷൻ കൗൺസിൽ യോഗത്തിൽ സംഘർ...

തിരുവനന്തപുരം : ഭരണസ്‌തംഭനം ആരോപിച്ച് പ്രതിപക്ഷ കക്ഷികളായ സിപിഎമ്മും കോൺഗ്രസും ബിജെപിക്കെതിരെ പ്രതിഷേധിച്ചതോടെ കോർപറേഷൻ കൗൺസിൽ യോഗത്തിൽ സംഘർഷം. യുഡിഎഫ് അംഗങ്ങൾ റജിസ്റ്ററിൽ ഒപ്പിടാൻ ശ്രമിച്ചത് വിദ്യാഭ്യാസ-കായിക സ്റ്റാൻഡിങ് കമ്മിറ്റി ചെയർമാൻ ചെമ്പഴന്തി ഉദയൻ തടഞ്ഞു.

യുഡിഎഫ് കൗൺസിലറും പാർലമെന്ററി പാർട്ടി നേതാവുമായ കെ.എസ്. ശബരീനാഥനെ ചെമ്പഴന്തി ഉദയൻ കൈയ്യേറ്റം ചെയ്തതായും പരാതിയുണ്ട്. വനിതാ അംഗങ്ങളെ ബിജെപി അംഗങ്ങൾ കയ്യേറ്റം ചെയ്‌തതായി യുഡിഎഫും ആരോപിച്ചു

അതേ സമയം ഉദയന്റെ ഷർട്ട് കീറിയതായി ബിജെപി ആരോപിച്ചു. യുഡിഎഫ് പിടിച്ചു വച്ചിരുന്ന രജിസ്ട്രർ ഉദയൻ വാങ്ങാൻ ശ്രമിച്ചപ്പോൾ ആക്രമിക്കുകയായിരുന്നു എന്നാണ് ആരോപണം. കൗൺസിൽ 5 മിനിട്ടുകൊണ്ട് അവസാനിച്ചു. കഴിഞ്ഞ ദിവസത്തെ സംഘർഷത്തിൽ പരുക്കേറ്റ സിപിഎം കൗൺസിലർമാർ മെഡിക്കൽ കോളജ് ആശുപ്രതിയിൽ നിന്ന് വീൽചെയറിലാണ് കൗൺസിൽ യോഗത്തിനെത്തിയത്. ചെമ്പഴന്തി ഉദയന് നേരെ നടപടി സ്വീകരിക്കണമെന്ന് യുഡിഎഫ് ആവശ്യപ്പെട്ടു.

Key Words : Clash, Thiruvananthapuram Corporation, BJP Councilor, UDF Members, Sabarinathan