ആയത്തുല്ല ഖമനയിയുടെ സംസ്കാരം ജൂലൈ 9-ന്; വിപുലമായ ചടങ്ങുകളോടെ ജന്മനാടായ മഷാദിൽ ഖബറടക്കും

ടെഹ്‌റാൻ: വ്യോമാക്രമണത്തിൽ കൊല്ലപ്പെട്ട ഇറാന്റെ പരമോന്നത നേതാവ് ആയത്തുല്ല അലി ഖമനയിയുടെ സംസ്കാര ചടങ്ങുകൾ അടുത്ത മാസം ജൂലൈ 9-ന് നടക്കുമെന്ന് ...

ടെഹ്‌റാൻ: വ്യോമാക്രമണത്തിൽ കൊല്ലപ്പെട്ട ഇറാന്റെ പരമോന്നത നേതാവ് ആയത്തുല്ല അലി ഖമനയിയുടെ സംസ്കാര ചടങ്ങുകൾ അടുത്ത മാസം ജൂലൈ 9-ന് നടക്കുമെന്ന് ഇറാൻ ഭരണകൂടം ഔദ്യോഗികമായി പ്രഖ്യാപിച്ചു. ഫെബ്രുവരി 28-ന് നടന്ന യു.എസ് - ഇസ്രായേൽ സംയുക്ത വ്യോമാക്രമണത്തിലാണ് ഖമനയി കൊല്ലപ്പെട്ടത്. ആക്രമണം നടന്ന് 106 ദിവസങ്ങൾക്ക് ശേഷമാണ് ഇപ്പോൾ സംസ്കാര തീയതി പുറത്തുവിട്ടിരിക്കുന്നത്.

രാജ്യത്തെ മൂന്ന് പ്രധാന നഗരങ്ങളിലായി മൂന്ന് ദിവസം നീണ്ടുനിൽക്കുന്ന വിപുലമായ വിലാപയാത്രകൾ സംസ്കാരത്തിന് മുന്നോടിയായി നടക്കും. ടെഹ്‌റാൻ, ഖൂം, മഷാദ് എന്നീ നഗരങ്ങളിലൂടെയാണ് വിലാപയാത്ര കടന്നുപോകുന്നത്.ജൂലൈ 4, 5 തീയതികളിൽ രാജ്യതലസ്ഥാനമായ ടെഹ്‌റാനിൽ പൊതുജനങ്ങൾക്ക് ഭൗതികശരീരത്തിൽ വിടപറയാനുള്ള സൗകര്യമൊരുക്കും. യു.എസിന്റെ 250-ാം സ്വാതന്ത്ര്യദിനമായ ജൂലൈ 4-ന് തന്നെ ഇറാന്റെ വിടവാങ്ങൽ ചടങ്ങുകൾ ആരംഭിക്കുന്നു എന്നത് ശ്രദ്ധേയമാണ്. തുടർന്ന് ജൂലൈ 9-ന് ഖമനയിയുടെ ജന്മനാടായ മഷാദിലെ പ്രശസ്തമായ ഇമാം റെസാ ശവകുടീരത്തിന് (Shrine of Imam Reza) സമീപം ഭൗതികശരീരം ഖബറടക്കും.

സുരക്ഷാ കാരണങ്ങളാലും മേഖലയിലെ യുദ്ധസാഹചര്യങ്ങൾ നിലനിന്നിരുന്നതിനാലുമാണ് മുൻപ് മാർച്ചിൽ നടക്കേണ്ടിയിരുന്ന ചടങ്ങുകൾ അടുത്ത മാസത്തേക്ക് നീട്ടിവെച്ചത്.

Key Words : Ayatollah Ali Khamenei, Funeral