സ്വകാര്യ ബസിൽ നിന്ന് വീണ് വിദ്യാർത്ഥിനിക്ക് പരിക്കേറ്റ സംഭവം: ഡ്രൈവറുടെയും കണ്ടക്ടറുടെയും ലൈസൻസ് സസ്പെൻഡ് ചെയ്തു

ആലപ്പുഴ : തിരുവമ്പാടിയിൽ സ്റ്റോപ്പിൽ ഇറങ്ങുന്നതിന്​ മുമ്പ്​ മുന്നോട്ടെടുത്ത സ്വകാര്യ ബസിൽ നിന്ന്​ വീണ്​ എഞ്ചിനിയറിംഗ് വിദ്യാർത്ഥിനിക്ക്​ പ...

ആലപ്പുഴ : തിരുവമ്പാടിയിൽ സ്റ്റോപ്പിൽ ഇറങ്ങുന്നതിന്​ മുമ്പ്​ മുന്നോട്ടെടുത്ത സ്വകാര്യ ബസിൽ നിന്ന്​ വീണ്​ എഞ്ചിനിയറിംഗ് വിദ്യാർത്ഥിനിക്ക്​ പരിക്കേറ്റ സംഭവത്തിൽ മോട്ടോർ വാഹന വകുപ്പിന്റെ നടപടി. ഡ്രൈവറുടെയും  കണ്ടക്ടറുടെയും ലൈസൻസ് സസ്പെൻഡ് ചെയ്തു. ഡ്രൈവിംഗ്,കണ്ടക്ടർ ലൈസൻസുകളാണ് മൂന്ന് മാസത്തേക്ക് സസ്പെൻഡ് ചെയ്തത്. അപകടമുണ്ടാക്കിയ അൽ അമീൻ ബസ്​ ഡ്രൈവർ അമ്പലപ്പുഴ വണ്ടാനം വൃക്ഷവിലാസംതോപ്പ്​ ജയകുമാർ,കണ്ടക്ടർ സുഭാഷ്​ എന്നിവർക്കെതിരെയാണ് മോട്ടോർ വാഹന വകുപ്പിന്റെ നടപടി. കഴിഞ്ഞ വെള്ളിയാഴ്ച വൈകിട്ട് 3.20ന് വലിയ ചുടുകാട് ജങ്​ഷനും തിരുവമ്പാടി ജങ്​ഷനും മധ്യേയായിരുന്നു അപകടം. 

അപകടത്തിൽ തിരുവമ്പാടി അശ്വതിയിൽ റിട്ട.സി ഐ വിനയകുമാറിന്റെ മകളും പുന്ന​പ്ര സഹകരണ എൻജിനീയറിങ് കോളജിലെ അവസാനവർഷ ബി.ടെക് സിവിൽ വിദ്യാർഥിനിയുമായ ദേവീകൃഷ്ണയ്ക്കാണ്(23) ഗുരുതര പരിക്കേറ്റത്​. സ്റ്റോപ്പിൽ ബസ് നിർത്താതിരുന്നതിനാൽ  യാത്രക്കാർ ബഹളം വച്ചതോടെ അൽപം മാറി വാഹനം വേഗതകുറച്ച്​ വാതിൽ തുറന്നു.

ദേവീകൃഷ്ണ ഇറങ്ങാൻ തുടങ്ങിയപ്പോൾ ബസ് പെട്ടെന്ന്​ മുന്നോട്ടെടുത്തു. ദേവീകൃഷ്ണ പുറത്തേക്ക് തെറിച്ചു വീണ് റോഡിലെ വൈദ്യുതിത്തൂണിൽ തലയിടിക്കുകയായിരുന്നു.

Key Words: Bus Accident, Driving License