മാലെഗാവ് സ്‌ഫോടനക്കേസില്‍ ഏഴു പ്രതികളെയും വെറുതെവിട്ടു

ന്യൂഡല്‍ഹി : മാലെഗാവ് സ്‌ഫോടനക്കേസില്‍ മുന്‍  ബിജെപി എംപി ഉള്‍പ്പെടെ ഏഴു പ്രതികളെയും വെറുതെവിട്ട് പ്രത്യേക എന്‍ഐഎ കോടതി. ഗൂഢാലോചന തെളിയിക്കാ...

ന്യൂഡല്‍ഹി : മാലെഗാവ് സ്‌ഫോടനക്കേസില്‍ മുന്‍  ബിജെപി എംപി ഉള്‍പ്പെടെ ഏഴു പ്രതികളെയും വെറുതെവിട്ട് പ്രത്യേക എന്‍ഐഎ കോടതി. ഗൂഢാലോചന തെളിയിക്കാനായില്ലെന്നും സ്‌ഫോടനവുമായി പ്രതികളെ ബന്ധിപ്പിക്കാനുള്ള തെളിവുകള്‍ ഹാജരാക്കാനായില്ലെന്നും കോടതി പറഞ്ഞു. 

മുംബൈയിലെ പ്രത്യേക എൻഐഎ കോടതിയാണ് വിധി പറഞ്ഞത്. 2008 സെപ്തംബര്‍ 29 ന് നടന്ന സ്ഫോടന കേസിലാണ് വിധി. മഹാരാഷ്ട്രയിലെ നാസിക് ജില്ലയിലെ മലേഗാവിലെ ഒരു മുസ്ലിം പള്ളിക്ക് അടുത്ത് മോട്ടോർ സൈക്കിളിൽ കെട്ടിയിരുന്ന സ്ഫോടകവസ്തു പൊട്ടിത്തെറിക്കുകയായിരുന്നു.

സംഭവത്തില്‍ ആറ്പേര്‍ കൊല്ലപ്പെടുകയും നൂറിലേറെ പേര്‍ക്ക് പരിക്കേല്‍ക്കുകയും ചെയ്തിരുന്നു. 2011ലാണ് കേസ് എന്‍ഐഎ ഏറ്റെടുത്തത്. 2018 ല്‍ വിചാരണ തുടങ്ങി. 323 സാക്ഷികളെയും എട്ട് പ്രതിഭാഗം സാക്ഷികളെയും വിസ്തരിച്ചു. ഇതില്‍ 40 സാക്ഷികൾ കൂറുമാറിയിരുന്നു. 10,800 ലധികം തെളിവുകള്ളാണ് പരിശോധിച്ചത്.

Key Words: Malegaon Blast