കേദാര്‍നാഥില്‍ തീര്‍ത്ഥാടകരുടെ കോപ്ടര്‍ തകര്‍ന്ന് ഏഴു പേര്‍ മരിച്ചു, മരിച്ചവരില്‍ രണ്ടു വയസ്സായ കുട്ടിയും

Seven people were killed when a helicopter flying from Kedarnath temple to Guptakashi in Uttarakhand crashed in a forest

കോദാര്‍നാഥ്: കേദാര്‍നാഥ് ക്ഷേത്രത്തില്‍ നിന്ന് ഉത്തരാഖണ്ഡിലെ ഗുപ്തകാശിയിലേക്ക് പറന്ന ഹെലികോപ്റ്റര്‍ വനത്തില്‍ തകര്‍ന്നുവീണ് ഏഴ് പേര്‍ മരിച്ചു. 

ആര്യന്‍ ഏവിയേഷന്‍ ഹെലികോപ്റ്റര്‍ അപകടത്തില്‍ പൈലറ്റ് ഉള്‍പ്പെടെ മരിച്ചു. പറന്നുയര്‍ന്നു 10 മിനിറ്റ് കഴിഞ്ഞപ്പോള്‍ ഗൗരികുണ്ഡിനും സോന്‍പ്രയാഗിനും ഇടയില്‍ ഹെലികോപ്റ്റര്‍ തകര്‍ന്നുവീഴുകയായിരുന്നു.

പുലര്‍ച്ചെ 5:20 നാണ് സംഭവം. വിമാനത്തില്‍ ഏഴ് ആറ് തീര്‍ത്ഥാടകരും പൈലറ്റുമാണ് ഉണ്ടായിരുന്നത്. 23 മാസം പ്രായമുള്ള കുട്ടിയും മരിച്ചുവെന്ന് ഉത്തരാഖണ്ഡ് സിവില്‍ ഏവിയേഷന്‍ ഡെവലപ്മെന്റ് അതോറിറ്റി (യുസിഡിഎ) അറിയിച്ചു.

കേദാര്‍നാഥ് ധാം സന്ദര്‍ശനം കഴിഞ്ഞ് ഹെലികോപ്റ്റര്‍ മടങ്ങുമ്പോള്‍ കാലാവസ്ഥ മോശമായതോടെ താഴ്വരയില്‍ നിന്ന് ഹെലികോപ്റ്റര്‍ മാറ്റാന്‍ പൈലറ്റ് ശ്രമിച്ചെങ്കിലും തകര്‍ന്നു വീണു.

'തിരിച്ചുവരവില്‍ കാലാവസ്ഥ മോശമായി. പൈലറ്റ് ഹെലികോപ്റ്റര്‍ താഴ്വരയില്‍ നിന്ന് പുറത്തേക്ക് മാറ്റാന്‍ ശ്രമിച്ചു, പക്ഷേ ഗൗരികുണ്ഡിന് സമീപം അത് തകര്‍ന്നു. എന്‍ഡിആര്‍എഫും എസ്ഡിആര്‍എഫും ഉള്‍പ്പെടെയുള്ള അധികാരികള്‍ പ്രവര്‍ത്തനങ്ങള്‍ക്ക് നേതൃത്വം നല്‍കുന്നു,' ജില്ലാ ടൂറിസം വികസനത്തില്‍ നിന്നുള്ള രാഹുല്‍ ചൗബെ പറഞ്ഞു.

യാത്രക്കാരില്‍ ഒരാള്‍ ബദരീനാഥ് കേദാര്‍നാഥ് ക്ഷേത്ര കമ്മിറ്റി (ബികെടിസി) ജീവനക്കാരനായ വിക്രം റാവത്താണ്. മഹാരാഷ്ട്രയിലെ യാവത്മലില്‍ നിന്നുള്ള രാജ്കുമാര്‍ സുരേഷ് ജയ്സ്വാള്‍, ശ്രദ്ധ ജയ്സ്വാള്‍, അവരുടെ 23 മാസം പ്രായമുള്ള മകള്‍ കാശി രാജ്കുമാര്‍ ജയ്സ്വാള്‍ എന്നിവരും ഉത്തര്‍പ്രദേശില്‍ നിന്നുള്ള 66 വയസ്സുള്ള വിനോദ് ദേവിയും 19 വയസ്സുള്ള ത്രിഷ്ടി സിംഗുമാണ് മരിച്ച മറ്റ് തീര്‍ത്ഥാടകര്‍. ജയ്പൂര്‍ സ്വദേശിയാണ്  പൈലറ്റ് ക്യാപ്റ്റന്‍ രാജ്ബീര്‍ സിംഗ് ചൗഹാന്‍ (39). 

കന്നുകാലികള്‍ക്ക് തീറ്റ ശേഖരിക്കാന്‍ പോയ നാട്ടുകാരാണ് തകര്‍ന്ന ഹെലികോപ്റ്റര്‍ കണ്ട് ഉദ്യോഗസ്ഥരെ അറിയിച്ചത്. ദേശീയ ദുരന്ത നിവാരണ സേനയും (എന്‍ഡിആര്‍എഫ്) സംസ്ഥാന ദുരന്ത നിവാരണ സേനയും (എസ്ഡിആര്‍എഫ്) രാവിലെ 7 മണിയോടെ ഗൗരികുണ്ടിലെത്തി. രാവിലെ 8:55നാഅ സ്ഥലത്തെത്താന്‍ സംഘത്തിനായത്. എല്ലാവരുടെയും മൃതദേഹങ്ങള്‍ കണ്ടെടുത്തു.

മൃതദേഹങ്ങള്‍ തിരിച്ചറിയാന്‍ പ്രയാസമുള്ളതിനാല്‍, കുടുംബങ്ങള്‍ക്ക് കൈമാറുന്നതിന് മുമ്പ് ഡിഎന്‍എ പരിശോധന നടത്തുമെന്ന് ഇന്‍സ്‌പെക്ടര്‍ ജനറല്‍ രാജീവ് സ്വരൂപ് പറഞ്ഞു. 

മേയ് രണ്ടിന് ഹിമാലയന്‍ ക്ഷേത്രമായ കേദാര്‍നാഥിന്റെ കവാടങ്ങള്‍ തുറന്നതിനുശേഷം 13 പേര്‍ മരിച്ചതിന് ശേഷമുള്ള അഞ്ചാമത്തെ അപകടമാണിത്. നേരത്തെ, ജൂണ്‍ ഏഴിന്, കേദാര്‍നാഥിലേക്ക് പോകുകയായിരുന്ന ഒരു ഹെലികോപ്റ്റര്‍ ടേക്ക് ഓഫിനിടെ സാങ്കേതിക തകരാറിനെ തുടര്‍ന്ന് ഉത്തരാഖണ്ഡിലെ ഒരു ഹൈവേയില്‍ ലാന്‍ഡ് ചെയ്യാന്‍ നിര്‍ബന്ധിതമായി. അതിന്റെ ടെയില്‍ റോട്ടര്‍ പാര്‍ക്ക് ചെയ്തിരുന്ന ഒരു കാറില്‍ വീണു. വിമാനത്തിലുണ്ടായിരുന്ന അഞ്ച് തീര്‍ത്ഥാടകര്‍ സുരക്ഷിതമായി രക്ഷപ്പെട്ടു, അതേസമയം പൈലറ്റിന് പരിക്കേറ്റു.

ഇന്നത്തെ സംഭവത്തെത്തുടര്‍ന്ന്, മുഖ്യമന്ത്രി പുഷ്‌കര്‍ സിംഗ് ധാമി ഹെലികോപ്റ്റര്‍ പ്രവര്‍ത്തനങ്ങള്‍ സംബന്ധിച്ച് കര്‍ശന നിര്‍ദ്ദേശങ്ങള്‍ പുറപ്പെടുവിച്ചു. ഉത്തരാഖണ്ഡില്‍ ഹെലികോപ്റ്റര്‍ പ്രവര്‍ത്തിപ്പിക്കുന്നതിന് കര്‍ശനമായ സ്റ്റാന്‍ഡേര്‍ഡ് ഓപ്പറേറ്റിംഗ് നടപടിക്രമം (എസ്ഒപി) വേണമെന്ന് അദ്ദേഹം നിര്‍ദ്ദേശിച്ചു.

എസ്ഒപി തയ്യാറാക്കുന്നതിനായി സാങ്കേതിക വിദഗ്ധരുടെ ഒരു സമിതി രൂപീകരിക്കാന്‍ മിസ്റ്റര്‍ ധാമി ചീഫ് സെക്രട്ടറിയോട് നിര്‍ദ്ദേശിച്ചു. അപകടത്തെക്കുറിച്ച് ഡയറക്ടറേറ്റ് ജനറല്‍ ഒഫ് സിവില്‍ ഏവിയേഷന്‍ (ഡിജിസിഎ) അന്വേഷിക്കും.

Summary: Seven people were killed when a helicopter flying from Kedarnath temple to Guptakashi in Uttarakhand crashed in a forest. Aryan Aviation helicopter crash kills pilot also.