ബോയിംഗ് 787 സുരക്ഷിതമോ, ആശങ്കയേറുന്നു; ഇന്ത്യയിലെ ബോയിംഗ് വിമാനങ്ങളിൽ സുരക്ഷാ പരിശോധന നടത്താന്‍ കേന്ദ്രം

ന്യൂഡല്‍ഹി : അഹമ്മദാബാദില്‍ എയര്‍ ഇന്ത്യ ദുരന്തത്തില്‍ 290ലേറെ പേര്‍ മരിച്ചതോടെ ബോയിംഗ് 787 വിമാനങ്ങളുടെ സുരക്ഷയെ സംബന്ധിച്ച് വലിയ ആശങ്കകള്‍...

ന്യൂഡല്‍ഹി : അഹമ്മദാബാദില്‍ എയര്‍ ഇന്ത്യ ദുരന്തത്തില്‍ 290ലേറെ പേര്‍ മരിച്ചതോടെ ബോയിംഗ് 787 വിമാനങ്ങളുടെ സുരക്ഷയെ സംബന്ധിച്ച് വലിയ ആശങ്കകള്‍ ഉയരുന്നുണ്ട്. ഈ സാഹചര്യത്തില്‍ ബോയിംഗ് 787-8 ഡ്രീംലൈനറുകളുടെ സുരക്ഷാ പരിശോധന നടത്താന്‍ സിവില്‍ ഏവിയേഷന്‍ മന്ത്രാലയം ആലോചിക്കുന്നതായി റിപ്പോര്‍ട്ട്. നിലവില്‍ ഉപയോഗിക്കുന്ന എല്ലാ ബോയിംഗ് 787-8 ഡ്രീംലൈനറുകളും നിലത്തിറക്കാനുള്ള സാധ്യത സര്‍ക്കാര്‍ പരിഗണിക്കുന്നതെന്ന് എന്‍ഡിടിവി റിപ്പോര്‍ട്ട് ചെയ്യുന്നു. 

ലണ്ടനിലേക്ക് പോയ എയര്‍ ഇന്ത്യ വിമാനം വിമാനത്തിലുണ്ടായിരുന്ന 242 പേരില്‍ 241 പേര്‍ കൊല്ലപ്പെട്ട അപകടം ഒരു ദശാബ്ദത്തിനിടെ ലോകത്തിലെ ഏറ്റവും മാരകമായ വ്യോമ ദുരന്തങ്ങളിലൊന്നാണ്. 

അമേരിക്കന്‍ നിര്‍മ്മിത വിമാനത്തിന്റെ സുരക്ഷാ അവലോകനത്തിനായി ഇന്ത്യയും യുഎസ് ഏജന്‍സികളും തമ്മില്‍ ചര്‍ച്ചകള്‍ നടക്കുന്നുണ്ടെന്നും വൃത്തങ്ങള്‍ പറഞ്ഞു. അതേസമയം, വിമാന അറ്റകുറ്റപ്പണികള്‍ സംബന്ധിച്ച സ്റ്റാന്‍ഡേര്‍ഡ് ഓപ്പറേറ്റിംഗ് നടപടിക്രമങ്ങളില്‍ എയര്‍ ഇന്ത്യയും അന്വേഷണം നേരിടേണ്ടി വന്നേക്കാമെന്നും റിപ്പോര്‍ട്ടുണ്ട്.

Key Words: Boeing 787 Safety concerns