സംസ്ഥാനത്ത് തുടര്‍ മഴയ്ക്ക് സാധ്യത; അറബിക്കടലില്‍ പുതിയ ന്യൂനമര്‍ദം രൂപപ്പെട്ടു

തിരുവനന്തപുരം :  അറബിക്കടലില്‍ പുതിയ ന്യൂനമര്‍ദം രൂപപ്പെട്ടു.   കേന്ദ്ര കാലാവസ്ഥ വകുപ്പിന്റെ മുന്നറിയിപ്പില്‍ അടുത്ത അഞ്ച് ദിവസത്തേക്ക് കേരള...

തിരുവനന്തപുരം : അറബിക്കടലില്‍ പുതിയ ന്യൂനമര്‍ദം രൂപപ്പെട്ടു. കേന്ദ്ര കാലാവസ്ഥ വകുപ്പിന്റെ മുന്നറിയിപ്പില്‍ അടുത്ത അഞ്ച് ദിവസത്തേക്ക് കേരളത്തില്‍ വ്യാപകമായ മഴയ്ക്ക് സാധ്യതയുണ്ടെന്നാണ് വ്യക്തമാക്കിയിരിക്കുന്നത്. ഇന്നാണ് അടുത്ത ശക്തമായ മഴയ്ക്കുള്ള സാധ്യത കണക്കാക്കിയിരിക്കുന്നത്.

പത്തനംതിട്ട, കോട്ടയം, ഇടുക്കി, മലപ്പുറം, വയനാട് ജില്ലകളില്‍ ജാഗ്രതാപൂര്‍വ്വം യെല്ലോ അലര്‍ട്ട് പ്രഖ്യാപിച്ചിരിക്കുകയാണ്. ഒറ്റപ്പെട്ട ശക്തമായ മഴയ്ക്ക് സാധ്യതയുള്ള ഈ ജില്ലകളില്‍ ഇടിമിന്നലോടൊപ്പം 64.5 മില്ലിമീറ്ററില്‍ നിന്നും 115.5 മില്ലിമീറ്റര്‍ വരെ മഴ പെയ്യാന്‍ സാധ്യതയുള്ളതായി കേന്ദ്ര കാലാവസ്ഥ വകുപ്പ് വ്യക്തമാക്കുന്നു.

ഇതിനിടെ സൗരാഷ്ട്ര-കച്ചിനും അതിനോട് ചേര്‍ന്നുള്ള വടക്കു കിഴക്കന്‍ അറബിക്കടലിലും തെക്കുപടിഞ്ഞാറന്‍ ബംഗ്ലാദേശ് - ഗംഗാതട പ്രദേശങ്ങളിലും ന്യൂനമര്‍ദവും ചക്രവാതച്ചുഴിയും സജീവമായിട്ടുണ്ട്. അടുത്ത 48 മണിക്കൂറിനുള്ളില്‍ വടക്കന്‍ ബംഗാള്‍ ഉള്‍ക്കടലിനും സമീപ തീരപ്രദേശങ്ങളിലുമുള്ള കാലാവസ്ഥ കൂടുതല്‍ അതീവ ജാഗ്രത ആവശ്യപ്പെടുന്നു.

Key Words: Low Pressure, Arabian Sea, Rain, Monsoon