സംസ്ഥാനങ്ങളില്‍ നിന്നു പാക് പൗരന്മാരെ കണ്ടെത്തി നാടുകടത്തണം, മുഖ്യമന്ത്രിമാരോട് അമിത് ഷാ

The Home Ministry has asked the states to trace and deport all Pakistani nationals in their respective states. Central government sources

സ്വന്തം ലേഖകന്‍

ന്യൂഡല്‍ഹി: അതാത് സംസ്ഥാനങ്ങളിലുള്ള എല്ലാ പാകിസ്ഥാന്‍ പൗരന്മാരെയും കണ്ടെത്തി നാടുകടത്താന്‍ ആഭ്യന്തര മന്ത്രാലയം സംസ്ഥാനങ്ങളോട് ആവശ്യപ്പെട്ടിട്ടു. ഇക്കാര്യം കേന്ദ്ര ആഭ്യന്തരമന്ത്രി അമിത് ഷാ എല്ലാ മുഖ്യമന്ത്രിമാരുമായും സംസാരിച്ചതായി കേന്ദ്ര സര്‍ക്കാര്‍ വൃത്തങ്ങള്‍ പറഞ്ഞു.

ജമ്മു കശ്മീരിലെ പഹല്‍ഗാമിലുണ്ടായ ഭീകരാക്രമണത്തെത്തുടര്‍ന്ന് അഞ്ച് ഘട്ടങ്ങളുള്ള നയതന്ത്ര പ്രത്യാക്രമണത്തിന്റെ ഭാഗമായി പാക്ക് പൗരന്മാര്‍ക്കുള്ള എല്ലാ വിസകളും റദ്ദാക്കിയതായി ഇന്ത്യ ബുധനാഴ്ച അറിയിച്ചിരുന്നു.

പ്രത്യേകിച്ചും, ഏപ്രില്‍ 27 മുതല്‍ എല്ലാ വിസകളും അസാധുവാക്കുമെന്ന് ഇന്ത്യ അറിയിച്ചു. മെഡിക്കല്‍ വിസകള്‍ക്ക് 48 മണിക്കൂര്‍ കൂടി സാധുതയുണ്ടാകും. 

ആക്രമണം ആസൂത്രണം ചെയ്തതിലും നടപ്പാക്കിയതിലും പാകിസ്ഥാന് പങ്കുണ്ടെന്ന് തെളിവുണ്ടെന്ന് ഇന്ത്യ പറഞ്ഞു. അമേരിക്ക, യുകെ, ഇറ്റലി, ഫ്രാന്‍സ്, ജര്‍മ്മനി, റഷ്യ, ചൈന എന്നീ രാജ്യങ്ങളില്‍ നിന്നുള്ള മുതിര്‍ന്ന വിദേശ നയതന്ത്രജ്ഞരെ വ്യാഴാഴ്ച വിദേശകാര്യ സെക്രട്ടറി വിക്രം മിസ്രി ഈ തെളിവുകള്‍ ബോധ്യപ്പെടുത്തിയിരുന്നു.

Summary: The Home Ministry has asked the states to trace and deport all Pakistani nationals in their respective states. Central government sources said that Union Home Minister Amit Shah has spoken to all Chief Ministers about this.