മമ്മൂട്ടി ചിത്രം 'വല്യേട്ടന്‍' 4കെ ഡോള്‍ബി 'അറ്റ്മോസ്' ദൃശ്യ മികവോടെ നാളെ വീണ്ടും തിയേറ്ററുകളിലെത്തും. 2000 സെപ്റ്റംബര്‍ പത...
മമ്മൂട്ടി ചിത്രം 'വല്യേട്ടന്‍' 4കെ ഡോള്‍ബി 'അറ്റ്മോസ്' ദൃശ്യ മികവോടെ നാളെ വീണ്ടും തിയേറ്ററുകളിലെത്തും. 2000 സെപ്റ്റംബര്‍ പത്തിന് റിലീസ് ചെയ്ത 'വല്യേട്ടന്‍' ആ വര്‍ഷത്തെ സൂപ്പര്‍ഹിറ്റ് ചിത്രങ്ങളില്‍ ഒന്നായിരുന്നു. ചിത്രത്തില്‍ അറക്കല്‍ മാധവനുണ്ണി എന്ന കഥാപാത്രമായാണ് മമ്മൂട്ടി സ്‌ക്രീനില്‍ എത്തിയത്. മമ്മൂട്ടിയോടൊപ്പം ശോഭന, സിദ്ദിഖ്, മനോജ് കെ ജയന്‍, പൂര്‍ണിമ ഇന്ദ്രജിത്ത്, ഇന്നസെന്റ്, എന്‍ എഫ് വര്‍ഗീസ്, കലാഭവന്‍ മണി, വിജയകുമാര്‍, സുധീഷ് തുടങ്ങി ഒട്ടനവധി താരങ്ങള്‍ ചിത്രത്തിന്റെ ഭാഗമായിരുന്നു.
രഞ്ജിത്തായിരുന്നു സിനിമയ്ക്ക് തിരക്കഥ ഒരുക്കിയത്. മോഹന്‍ സിത്താര പാട്ടുകളും സി രാജാമണി പശ്ചാത്തലസംഗീതവും ഒരുക്കിയിരിക്കുന്ന ചിത്രത്തിനായി ക്യാമറ ചലിപ്പിച്ചത് രവി വര്‍മനും എഡിറ്റിങ് നിര്‍വഹിച്ചത് എല്‍ ഭൂമിനാഥനുമായിരുന്നു.
അമ്പലക്കര ഫിലിംസിന്റെ ബാനറില്‍ ബൈജു അമ്പലക്കരയാണ് ചിത്രം വീണ്ടും തിയേറ്ററുകളിലേക്ക് എത്തിക്കുന്നത്. ഈ വേളയില്‍ സിനിമയ്ക്ക് ആശംസകളുമായെത്തിയിരിക്കുകയാണ് മമ്മൂട്ടി. 'വല്യേട്ടന്‍ റിലീസ് ചെയ്തപ്പോള്‍ ഒരുപാടുപേര്‍ തിയേറ്ററിലും ധാരാളം പേര്‍ ടിവിയിലും കണ്ടതാണ്. അതിനേക്കാള്‍ ഭംഗിയോടെ, 4 കെ അറ്റ്‌മോസില്‍ വല്യേട്ടന്‍ എത്തുകയാണ് നവംബര്‍ 29 ന്,' എന്നാണ് മമ്മൂട്ടി പറയുന്നത്.
ഐ വി ശശി - മമ്മൂട്ടി കൂട്ടുകെട്ടിന്റെ ആവനാഴി, ഭരതന്‍ ഒരുക്കിയ അമരം തുടങ്ങിയ ചിത്രങ്ങളും മമ്മൂട്ടിയുടേതായി റീറിലീസിന് ഒരുങ്ങുന്നുണ്ട്. മമ്മൂട്ടിയുടെ തന്നെ പാലേരി മാണിക്യം നേരത്തെ റീറിലീസ് ചെയ്തിരുന്നു. എന്നാല്‍ ചിത്രത്തിന് ഈ വരവില്‍ പ്രേക്ഷക ശ്രദ്ധ നേടാനായിരുന്നില്ല.
Key Words: Valyetan, Theater, Movie
COMMENTS