തിരുവനന്തപുരം: ദിവ്യയെ സംരക്ഷിക്കുന്നത് സി പി എം സംസ്ഥാന നേതൃത്വമാണെന്ന് ബി ജെ പി സംസ്ഥാന അദ്ധ്യക്ഷന്‍ കെ സുരേന്ദ്രന്‍. അവര്‍ക്കെതിരെ നടപടി...
തിരുവനന്തപുരം: ദിവ്യയെ സംരക്ഷിക്കുന്നത് സി പി എം സംസ്ഥാന നേതൃത്വമാണെന്ന് ബി ജെ പി സംസ്ഥാന അദ്ധ്യക്ഷന്‍ കെ സുരേന്ദ്രന്‍. അവര്‍ക്കെതിരെ നടപടിയെടുത്താല്‍ എം വി ഗോവിന്ദനെയും അത് ബാധിക്കും. അന്വേഷണം തുടര്‍ന്നാല്‍ പാര്‍ട്ടി സെക്രട്ടറിയില്‍ എത്തുമെന്നുറപ്പാണ്. കേരളത്തില്‍ പാര്‍ട്ടി ഭരണം അല്ല നടക്കുന്നത്.
സര്‍ക്കാരും സി പി എമ്മും ദിവ്യയെ സംരക്ഷിക്കുകയാണ്. ദിവ്യയുടെ ധൈര്യം അഴിമതി പണത്തിന്റെ പങ്ക് പാര്‍ട്ടിക്കും ലഭിച്ചിട്ടുണ്ടെന്നതാണ്. പി പി ദിവ്യക്കെതിരെ ലുക്ക് ഔട്ട് നോട്ടീസ് പുറപ്പെടുവിക്കണം. കോണ്‍ഗ്രസ് സ്ഥാനാര്‍ത്ഥിക്ക് നേതാക്കന്‍മാരുടെ ശവകുടീരത്തില്‍ പോകാന്‍ പോലും സാധിക്കാത്ത സാഹചര്യമാണുള്ളതെന്നും കെ സുരേന്ദ്രന്‍ പറഞ്ഞു.
എന്‍ എന്‍ കൃഷ്ണദാസിന്റെ പട്ടി പരാമര്‍ശം പരിഷ്‌കൃത സമൂഹത്തിന് ചേര്‍ന്നതല്ല. കൃഷ്ണദാസ് പരാമര്‍ശം തിരുത്തി മാപ്പ് പറയണം. തരംതാഴ്ന്ന പ്രയോഗം പാര്‍ട്ടി തിരുത്തണം. ഉത്തമ ബോധ്യത്തില്‍ ആരും 'പട്ടി' എന്ന് ആരെയും വിളിക്കില്ലെന്നും അദ്ദേഹം പറഞ്ഞു.
Key Words: PP Divya, K Surendran
COMMENTS