ഓള്‍ വി ഇമാജിന്‍ ആസ് ലൈറ്റ് കേരളത്തില്‍ പ്രദര്‍ശനത്തിന് എത്തുന്നു

പായല്‍ കപാഡിയ സംവിധാനം ചെയ്ത ഓള്‍ വി ഇമാജിന്‍ ആസ് ലൈറ്റ് കേരളത്തില്‍ പ്രദര്‍ശനത്തിന് എത്തുന്നു. 77-ാമത് കാന്‍ ഫിലിം ഫെസ്റ്റിവലിലെ ഗ്രാന്‍ഡ് ...

പായല്‍ കപാഡിയ സംവിധാനം ചെയ്ത ഓള്‍ വി ഇമാജിന്‍ ആസ് ലൈറ്റ് കേരളത്തില്‍ പ്രദര്‍ശനത്തിന് എത്തുന്നു. 77-ാമത് കാന്‍ ഫിലിം ഫെസ്റ്റിവലിലെ ഗ്രാന്‍ഡ് പ്രിക്‌സ് പുരസ്‌കാരം സ്വന്തമാക്കി ഇന്ത്യന്‍ സിനിമയ്ക്കാകെ അഭിമാനമായ ചിത്രത്തില്‍ ഒട്ടേറെ മലയാളി താരങ്ങളും അണിനിരന്നിരുന്നു.

നടനും നിര്‍മ്മാതാവുമായ റാണ ദഗ്ഗുബതി സ്ഥാപിച്ച പ്രൊഡക്ഷന്‍ ഹൗസ് സ്പിരിറ്റ് മീഡിയ ഇന്ത്യയിലുടനീളം മലയാളം-ഹിന്ദി സിനിമയുടെ വിതരണാവകാശം നേടിയിട്ടുണ്ട്. സെപ്തംബര്‍ 21 ശനിയാഴ്ച കേരളത്തില്‍ ലിമിറ്റഡ് സ്‌ക്രീനില്‍ അരങ്ങേറ്റം കുറിക്കും. മലയാളത്തില്‍ പ്രഭയായ് നിനച്ചതെല്ലാം എന്ന് പേരിട്ടിരിക്കുന്ന ചിത്രം കേരളത്തിലെ പ്രധാന റിലീസിന് ശേഷം രാജ്യത്തെ പ്രധാന നഗരങ്ങളിലും പ്രദര്‍ശിപ്പിക്കാനാണ് നിലവിലെ തീരുമാനം. 

ഇന്ത്യയില്‍ നിന്നുള്ള ചാല്‍ക്ക് ആന്‍ഡ് ചീസ് ഫിലിംസും ഫ്രാന്‍സില്‍ നിന്നുള്ള പെറ്റിറ്റ് ചാവോസും തമ്മിലുള്ള ഔദ്യോഗിക ഇന്‍ഡോ-ഫ്രഞ്ച് കോ-പ്രൊഡക്ഷന്‍ ആണ് ഈ ചിത്രം. ഇന്ത്യന്‍ നിര്‍മ്മാതാക്കളായ സിക്കോ മൈത്ര (ചോക്ക് ആന്‍ഡ് ചീസ് ഫിലിംസ്), രണബീര്‍ ദാസ് (മറ്റൊരു ജന്മം) എന്നിവര്‍ ചിത്രത്തിന്റെ സൃഷ്ടിയില്‍ നിര്‍ണായക പങ്ക് വഹിച്ചു, ദാസ് ഛായാഗ്രാഹകനുമാണ്. 

Key words: Kerala, Movie