ന്യൂഡല്ഹി: ഡ്യൂട്ടി സമയത്ത് ഫോണില് കാന്ഡി ക്രഷ് കളിച്ച സര്ക്കാര് സ്കൂള് അധ്യാപകനെ സസ്പെന്ഡ് ചെയ്തു. ഉത്തര് പ്രദേശിലെ സംബാല് ജില്ലയ...
ന്യൂഡല്ഹി: ഡ്യൂട്ടി സമയത്ത് ഫോണില് കാന്ഡി ക്രഷ് കളിച്ച സര്ക്കാര് സ്കൂള് അധ്യാപകനെ സസ്പെന്ഡ് ചെയ്തു. ഉത്തര് പ്രദേശിലെ സംബാല് ജില്ലയിലാണ് സംഭവം. തുടര്ച്ചയായി ജോലി സമയത്ത് ഫോണ് ഉപയോഗിക്കുന്നതായി കണ്ടെത്തിയതിനെ തുടര്ന്നാണ് നടപടി. ജില്ലാ കലക്ടര് രാജേന്ദ്ര പന്സിയ സ്കൂളില് മിന്നല് പരിശോധന നടത്തുന്നതിനിടെയാണ് അധ്യാപകനെ കയ്യോടെ പൊക്കിയത്.
പരിശോധനയില് വിദ്യാര്ഥികളുടെ കോപ്പികളില് നിരവധി തെറ്റുകള് കണ്ടെത്തി. തുടര്ന്ന് നടത്തിയ പരിശോധനയിലാണ് അധ്യാപകന് മൊബൈല് ഗെയിമുകള്ക്ക് അടിമയാണെന്ന് തിരിച്ചറിഞ്ഞത്. തുടര്ന്ന് വിഷയം സംസ്ഥാന വിദ്യാഭ്യാസ വകുപ്പിനെ അറിയിച്ചതിന്റെ അടിസ്ഥാനത്തിലാണ് അസിസ്റ്റന്റ് ടീച്ചറെ സസ്പെന്ഡ് ചെയ്യാന് തീരുമാനിച്ചത്.
Key Words: Teacher, Suspended, Mobile Game, Paying Games, Phone
COMMENTS