TP Chandrasekharan murder case
തിരുവനന്തപുരം: ടിപി ചന്ദ്രശേഖരന് വധക്കേസിലെ പ്രതികള്ക്ക് ശിക്ഷാ ഇളവ് നല്കാനുള്ള ശുപാര്ശ നല്കിയ ജയില് ഉദ്യോഗസ്ഥരെ സസ്പെന്ഡ് ചെയ്ത് മുഖ്യമന്ത്രി പിണറായി വിജയന്. വിഷയം വന് വിവാദമായതിനെ തുടര്ന്നാണ് നടപടി. ഉദ്യോഗസ്ഥരെ സസ്പെന്ഡ് ചെയ്തുകൊണ്ടുള്ള മുഖ്യമന്ത്രിയുടെ ഉത്തരവ് പുറത്തിറങ്ങി.
കണ്ണൂര് സെന്ട്രല് ജയില് സൂപ്രണ്ടിന്റെ ചുമതലയുള്ള ജോയിന്റ് സൂപ്രണ്ട് കെ.എസ്. ശ്രീജിത്ത്, അസിസ്റ്റന്റ് സൂപ്രണ്ട് ഗ്രേഡ് -1 ബി.ജി.അരുണ്, അസിസ്റ്റന്റ് പ്രിസണ് ഓഫീസര് ഒ.വി. രഘുനാഥ് എന്നിവരെയാണ് അന്വേഷണവിധേയമായി സര്വീസില് നിന്നും സസ്പെന്റ് ചെയ്തത്.
വിഷയത്തില് കെ.കെ രമ എം.എല്.എ കഴിഞ്ഞ ദിവസം നിയമസഭയില് അടിയന്തര പ്രമേയ നോട്ടീസ് അവതിരിപ്പിക്കാന് അനുമതി തേടിയിരുന്നെങ്കിലും ശിക്ഷാ ഇളവിന് നീക്കമില്ലെന്ന് സര്ക്കാര് വ്യക്തമാക്കിയിട്ടുണ്ടെന്ന് ചൂണ്ടിക്കാട്ടി സ്പീക്കര് അനുമതി നിഷേധിച്ചിരുന്നു. അതേസമയം വിഷയത്തില് പ്രതിപക്ഷ നേതാവിന്റെ സബ്മിഷന് നിയമസഭയില് വരുന്നതിനു മുന്പേ തന്നെ മുഖ്യമന്ത്രി ഇടപെടുകയായിരുന്നു.
Keywords: TP Chandrasekharan murder case, prison officials, Suspension
COMMENTS