ചെന്നൈ: തമിഴ്നാട് കള്ളക്കുറിച്ചി വിഷമദ്യ ദുരന്തത്തില് മരണം അമ്പത് ആയി. ചികിത്സയിലുള്ള എട്ട് പേര് കൂടി മരിച്ചത്തോടെയാണ് മരണസംഖ്യ അമ്പതായത്....
ചെന്നൈ: തമിഴ്നാട് കള്ളക്കുറിച്ചി വിഷമദ്യ ദുരന്തത്തില് മരണം അമ്പത് ആയി. ചികിത്സയിലുള്ള എട്ട് പേര് കൂടി മരിച്ചത്തോടെയാണ് മരണസംഖ്യ അമ്പതായത്. നൂറോളം പേര് വിവിധ ആശുപത്രികളില് ചികിത്സയിലാണ്. ഇവരില് പലരുടെയും നില ഗുരുതരമാണെന്നാണ് വിവരം. മരണസംഖ്യ ഇനിയും ഉയര്ന്നേക്കും. 10 പേര്ക്ക് കാഴ്ച നഷ്ടപ്പെട്ടതായും റിപ്പോര്ട്ടുകളുണ്ട്.
അതേസമയം, വിഷമദ്യ ദുരന്തത്തിലെ മുഖ്യപ്രതി ചിന്നദുരൈ പിടിയിലായി. കടലൂരില് നിന്ന് സി ബി സി ഐ ഡി സംഘമാണ് ഇയാളെ കസ്റ്റഡിയിലെടുത്തത്. ഇയാളാണ് വിഷമദ്യം നിര്മിച്ചതെന്നാണ് അന്വേഷണ സംഘത്തിന്റെ കണ്ടെത്തല്.
മദ്യ വില്പന നടത്തിയ ദമ്പതികളടക്കമുള്ള നാല് പേരെ നേരത്തെ അറസ്റ്റ് ചെയ്തിരുന്നു. ഇവരില് നിന്ന് 200 ലിറ്ററിലധികം മദ്യം പിടിച്ചെടുക്കുകയും ചെയ്തിരുന്നു. പരിശോധനയില് മദ്യത്തില് മെഥനോള് കലര്ന്നിട്ടുണ്ടെന്ന് കണ്ടെത്തിയിട്ടുണ്ട്. മെഥനോളിന്റെ ഉറവിടത്തെപ്പ്റ്റി പൊലീസ് അന്വേഷിച്ചുവരികയാണ്. മരിച്ചവരെല്ലാം കൂലിപ്പണിക്കാരാണെന്നാണ് വിവരം.
ചൊവാഴ്ച രാത്രി കള്ളക്കുറിച്ചി കരുണാകുളത്തു നിന്നാണ് ഇവരെല്ലാം മദ്യം കഴിച്ചത്. ഇതിനുപിന്നാലെ ഇവര്ക്ക് ഛര്ദ്ദി, തലകറക്കം, വയറുവേദന, കണ്ണിന് അസ്വസ്ഥത എന്നിവ അനുഭവപ്പെട്ടു. തുടര്ന്ന് ഇവരെ വിവിധ ആശുപത്രികളില് പ്രവേശിപ്പിക്കുകയായിരുന്നു. തമിഴ്നാട് സര്ക്കാര് മരിച്ചവരുടെ കുടുംബത്തിന് 10 ലക്ഷം രൂപയും ചികിത്സയിലുള്ളവര്ക്ക് അന്പതിനായിരം രൂപയും ധനസഹായം പ്രഖ്യാപിച്ചിട്ടുണ്ട്.
Key Words: Hooch Tragedy, Tamil Nadu, Kallakurichi
COMMENTS