തിരുവനന്തപുരം: കന്യാകുമാരിയില് കടലില് കുളിക്കാനിറങ്ങിയ അഞ്ച് എം.ബി.ബി.എസ് വിദ്യാര്ത്ഥികള് മുങ്ങിമരിച്ചു. രണ്ട് പെണ്കുട്ടികള് ഉള്പ്പെ...
തിരുവനന്തപുരം: കന്യാകുമാരിയില് കടലില് കുളിക്കാനിറങ്ങിയ അഞ്ച് എം.ബി.ബി.എസ് വിദ്യാര്ത്ഥികള് മുങ്ങിമരിച്ചു. രണ്ട് പെണ്കുട്ടികള് ഉള്പ്പെടെയാണ് മരിച്ചത്.
തഞ്ചാവൂര് സ്വദേശി ചാരുകവി, നെയ്വേലി സ്വദേശി ഗായത്രി, കന്യാകുമാരി സ്വദേശി സര്വദര്ശിത്, ദിണ്ടിഗല് സ്വദേശി പ്രവീണ് സാം, ആന്ധ്രാപ്രദേശ് സ്വദേശി വെങ്കിടേഷ് എന്നിവരാണ് മരിച്ചത്. കരൂര് സ്വദേശിനി നേഷി, തേനി സ്വദേശി പ്രീതി പ്രിയങ്ക, മധുര സ്വദേശി ശരണ്യ എന്നിവരെ രക്ഷപ്പെടുത്തി. ഇവര് ആശാരിപള്ളം മെഡിക്കല് കോളജ് ആശുപത്രിയില് ചികിത്സയിലാണ്.
തിരുച്ചിറപ്പള്ളിയിലെ എസ് ആര് എം മെഡിക്കല് കോളേജിലെ വിദ്യാര്ത്ഥികളാണ് ഇവര്. ഞായറാഴ്ച കന്യാകുമാരിയില് വിവാഹച്ചടങ്ങില് പങ്കെടുക്കാനാണ് കോളേജില് നിന്ന് വിദ്യാര്ഥികളുടെ സംഘം എത്തിയത്.
ഗണപതിപുരം ബീച്ചില് നീന്താനെത്തിയപ്പോഴാണ് അപകടമുണ്ടായത്. കടല്ക്ഷോഭ മുന്നറിയിപ്പിനെ തുടര്ന്ന് ബീച്ചില് പ്രവേശനം വിലക്കിയിരുന്നു. തെങ്ങിന് തോപ്പിലൂടെയാണ് സംഘം ബീച്ചില് എത്തിയത്.
Key Words: Medical Students, Kanyakumari, Death
COMMENTS