തിരുവനന്തപുരം: തിരുവനന്തപുരം മേയര് ആര്യാ രാജേന്ദ്രനും കെഎസ്ആര്ടിസി ഡ്രൈവറും തമ്മിലുളള തര്ക്കത്തിലെ സംഭവങ്ങള് പുനരാവിഷ്കരിച്ച് പൊലീസ്. ...
തിരുവനന്തപുരം: തിരുവനന്തപുരം മേയര് ആര്യാ രാജേന്ദ്രനും കെഎസ്ആര്ടിസി ഡ്രൈവറും തമ്മിലുളള തര്ക്കത്തിലെ സംഭവങ്ങള് പുനരാവിഷ്കരിച്ച് പൊലീസ്. ഡ്രൈവര് യദു ബസ് ഓടിക്കുന്നതിടെ ലൈംഗികചേഷ്ട കാണിച്ചുവെന്ന മേയറുടെ പരാതി അന്വേഷിക്കുന്നതിന്റെ ഭാഗമായാണ് രാത്രിയിലെ പൊലീസ് നടപടി.
മേയറുടെ പരാതി ശരിവയ്ക്കുന്ന തെളിവുകള് ലഭിച്ചുവെന്ന് പൊലീസ് അറിയിച്ചു. പട്ടം പ്ലാമൂട് മുതല് പി എം ജി വരെയാണ് ബസും കാറും ഓടിച്ചു പരിശോധിച്ചത്. ഇതോടെ ഡ്രൈവര് മോശമായി ആഗ്യം കാണിച്ചാല് കാറിന്റെ പിന് സീറ്റിലിരിക്കുന്നയാള്ക്ക് കാണാന് കഴിയുമെന്നാണ് പൊലീസ് കണ്ടെത്തല്. സംഭവ നടന്ന രാത്രി സമയത്ത് തന്നെയായിരുന്നു പരിശോധന.
യദു അശ്ലീല ആംഗ്യം കാണിച്ചെന്നാണ് മേയറുടെ പരാതി. പരാതിയില് മേയര് ആര്യ രാജേന്ദ്രന്റെ രഹസ്യമൊഴിയും രേഖപ്പെടുത്തിയിട്ടുണ്ട്. ജുഡീഷ്യല് ഒന്നാംക്ലാസ് മജിസ്ട്രേറ്റ് കോടതി 12ലാണ് രഹസ്യമൊഴി നല്കിയത്.
COMMENTS