തിരുവനന്തപുരം: സംസ്ഥാനത്തെ ഇസ്ലാം മത വിശ്വാസികള് ഇന്ന് ചെറിയ പെരുന്നാള് ആഘോഷിക്കുന്നു. 29 ദിവസത്തെ വ്രതാനുഷ്ഠാനം പൂര്ത്തിയാക്കിയാണ് വിശ്വ...
തിരുവനന്തപുരം: സംസ്ഥാനത്തെ ഇസ്ലാം മത വിശ്വാസികള് ഇന്ന് ചെറിയ പെരുന്നാള് ആഘോഷിക്കുന്നു. 29 ദിവസത്തെ വ്രതാനുഷ്ഠാനം പൂര്ത്തിയാക്കിയാണ് വിശ്വാസികള് ചെറിയ പെരുന്നാള് ആഘോഷത്തിലേക്ക് കടക്കുന്നത്. പൊന്നാനി കടപ്പുറത്താണ് ഇന്നലെ മാസപ്പിറ കണ്ടത്. തുടര്ന്ന് വിവിധ ഖാസിമാര് ഇക്കാര്യം സ്ഥിരീകരിച്ചു.
അതേസമയം, ഉത്തരേന്ത്യയിലും ഡല്ഹിയിലും നാളെയാണ് ചെറിയ പെരുന്നാള് ആഘോഷിക്കുന്നത്.
ഗവര്ണറും, മുഖ്യമന്ത്രിയും വിശ്വാസികള്ക്ക് പെരുന്നാള് ആശംസകള് നേര്ന്നു. സ്പീക്കര് എ.എന്.ഷംസീറും പ്രതിപക്ഷ നേതാവ് വി ഡി സതീശനും ആശംസകള് നേര്ന്നു. ചെറിയ പെരുന്നാള് ആഘോഷങ്ങള് ഉന്നതമായ സാഹോദര്യത്തിന്റെ പ്രതിഫലനമാകട്ടെയെന്ന് മുഖ്യമന്ത്രി ആശംസിച്ചു. സമൂഹത്തില് വര്ഗീയ വിഷം ചീറ്റി ഐക്യത്തില് വിള്ളലുണ്ടാക്കാന് ശ്രമിക്കുന്ന പിന്തിരിപ്പന് ശക്തികളെ കരുതിയിരിക്കണമെന്നും മുഖ്യമന്ത്രി ഫേസ്ബുക്കില് കുറിച്ചു.
ത്യാഗത്തിന്റെയും ഉദാരതയുടെയും മഹിമ വാഴ്ത്തുന്ന ആഘോഷമാണ് ഈദുല്ഫിത്തറെന്ന് ഗവര്ണര് ആരിഫ് മുഹമ്മദ് ഖാന് പറഞ്ഞു.
COMMENTS