ന്യൂഡല്ഹി: പൗരത്വ നിയമഭേഗതി (സി.എ.എ) സ്റ്റേ ചെയ്യണമെന്ന ഹര്ജികളില് കേന്ദ്രസര്ക്കാരിന് സുപ്രീംകോടതിയുടെ നോട്ടീസ്. മൂന്നാഴ്ചയ്ക്കുള്ളില്...
ന്യൂഡല്ഹി: പൗരത്വ നിയമഭേഗതി (സി.എ.എ) സ്റ്റേ ചെയ്യണമെന്ന ഹര്ജികളില് കേന്ദ്രസര്ക്കാരിന് സുപ്രീംകോടതിയുടെ നോട്ടീസ്. മൂന്നാഴ്ചയ്ക്കുള്ളില് മറുപടി നല്കണമെന്നാണ് നോട്ടീസിലുള്ളത്. ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ മൂന്നംഗ സുപ്രീംകോടതി ബെഞ്ചാണ് ഹര്ജികള് പരിഗണിച്ചത്.
പൗരത്വ നിയമഭേഗതി സ്റ്റേ ചെയ്യണമെന്ന ഹര്ജിക്കാരുടെ ആവശ്യം കോടതി അംഗീകരിച്ചില്ല. ഇരുന്നൂറിലേറെ ഹര്ജികള് ഉള്ളതിനാല് മറുപടി തയ്യാറാക്കുന്നതിനായി നാലാഴ്ച സമയം വേണമെന്നായിരുന്നു കേന്ദ്രസര്ക്കാര് ആവശ്യപ്പെട്ടത്. എന്നാല് കോടതി മൂന്നാഴ്ച സമയമാണ് അനുവദിച്ചത്. സിഎഎ കാരണം ആരുടെയും പൗരത്വം നഷ്ടമാകില്ലെന്ന് കേന്ദ്രസര്ക്കാരിന് വേണ്ടി ഹാജരായ സോളിസിറ്റര് ജനറല് തുഷാര് മേത്ത അറിയിച്ചു.
ആര്ക്കെങ്കിലും പൗരത്വം നല്കുന്നതുകൊണ്ട് ഹര്ജിക്കാര്ക്ക് ആര്ക്കും നഷ്ടമുണ്ടാകില്ലെന്നും കേന്ദ്രം ചൂണ്ടിക്കാട്ടി. സിഎഎയുമായി ബന്ധപ്പെട്ട് തെറ്റിദ്ധാരണ പരത്താന് ശ്രമം നടക്കുകയാണ്. സിഎഎയും എന്ആര്സിയും രണ്ടും രണ്ടാണ്. സിഎഎയ്ക്ക് എന്ആര്സിയുമായി ബന്ധമില്ല. എന്ആര്സി സംബന്ധിച്ച വിഷയം കോടതിയുടെ പരിഗണനയിലില്ലെന്നും സോളിസിറ്റര് ജനറല് വ്യക്തമാക്കി.
Key words: Citizenship Amendment Act, Supreme Court
COMMENTS