കൊച്ചി : എറണാകുളം മഹാരാജാസ് കോളജില് വീണ്ടും സംഘര്ഷം. ഇന്നു പുലര്ച്ചെയാണ് കോളജ് ക്യാമ്പസില് വെച്ച് സംഘര്ഷമുണ്ടായത്. സംഘര്ഷത്തില് ഒരു എ...
കൊച്ചി : എറണാകുളം മഹാരാജാസ് കോളജില് വീണ്ടും സംഘര്ഷം. ഇന്നു പുലര്ച്ചെയാണ് കോളജ് ക്യാമ്പസില് വെച്ച് സംഘര്ഷമുണ്ടായത്. സംഘര്ഷത്തില് ഒരു എസ്എഫ്ഐ പ്രവര്ത്തകന് കുത്തേറ്റു. എസ്എഫ്ഐ യൂണിറ്റ് സെക്രട്ടറി നാസര് അബ്ദുള് റഹ്മാനാണ് കുത്തേറ്റത്. നാസറിന്റെ കാലിനും കൈക്കും വയറിനും പരിക്കേറ്റിട്ടുണ്ട്. ഗുരുതരമായി പരിക്കേറ്റ നാസര് അബ്ദുള് റഹ്മാനെ സ്വകാര്യ ആശുപത്രിയില് പ്രവേശിപ്പിച്ചു. അക്രമത്തിന് പിന്നില് ഫ്രറ്റേണിറ്റി പ്രവര്ത്തകര് ആണെന്ന് ആരോപിച്ച് എസ്എഫ്ഐ പ്രവര്ത്തകര് രംഗത്തെത്തി.
സംഭവത്തില് രണ്ടു പേരെ കസ്റ്റഡിയില് എടുത്തിട്ടുണ്ട്. ബിലാല്, അമല് ടോമി എന്നിവരെയാണ് പൊലീസ് കസ്റ്റഡിയിലെടുത്തിരിക്കുന്നത്. അമല് ടോമി കെ.എസ്.യു. മണ്ഡലം പ്രസിഡന്റാണ്.
പരിക്കേറ്റ നാസര് അബ്ദുള് റഹ്മാനെ ആദ്യം എറണാകുളം ജനറല് ആശുപത്രിയിലെത്തിച്ചിരുന്നു. എന്നാല് പരിക്ക് സാരമുള്ളതിനാല് വിദ്യാര്ത്ഥിയെ സ്വകാര്യ ആശുപത്രിയിലേക്ക് മാറ്റുകയായിരുന്നു എന്നാണ് വിവരം. നാടക റിഹേഴ്സലിന് ശേഷം പോകുകയായിരുന്ന വിദ്യാര്ത്ഥികളെ ഒരു സംഘം ആക്രമിക്കുകയായിരുന്നു എന്നാണ് വിദ്യാര്ത്ഥികള് പറയുന്നത്. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.
എസ്എഫ്ഐ- ഫ്രറ്റേണിറ്റി പ്രവര്ത്തകര് തമ്മില് കഴിഞ്ഞദിവസം കോളജില് ഏറ്റുമുട്ടല് നടന്നിരുന്നു.
COMMENTS