ന്യൂഡല്ഹി: മൂന്ന് സംസ്ഥാനങ്ങളിലെയും ആധിപത്യം ആഘോഷമാക്കാന് ബിജെപി. വൈകിട്ട് ആറരയ്ക്ക് പ്രധാനമന്ത്രി നരേന്ദ്രമോദി തലസ്ഥാനത്തെ ബിജെപി ആസ്ഥാനത...
ന്യൂഡല്ഹി: മൂന്ന് സംസ്ഥാനങ്ങളിലെയും ആധിപത്യം ആഘോഷമാക്കാന് ബിജെപി. വൈകിട്ട് ആറരയ്ക്ക് പ്രധാനമന്ത്രി നരേന്ദ്രമോദി തലസ്ഥാനത്തെ ബിജെപി ആസ്ഥാനത്ത് എത്തി പ്രവര്ത്തകരെ അഭിസംബോധന ചെയ്യും. വിജയാഘോഷത്തില് മുതിര്ന്ന നേതാക്കളും പങ്കെടുക്കും.
പാര്ട്ടി ആസ്ഥാനങ്ങളില് വലിയ ആഹ്ലാദപ്രകടനും ലഡുവിതരണവും തുടരുകയാണ്. പ്രവര്ത്തകര് തെരിവുകള് കയ്യടക്കി ആഘോഷം തുടരുകയാണ്.
ലോക്സഭാ തെരഞ്ഞെടുപ്പിന്റെ സെമിഫൈനല് എന്ന് വിശേഷിപ്പിക്കപ്പെട്ട സംസ്ഥാന നിയമസഭാ തെരഞ്ഞെടുപ്പുകളില് തിളങ്ങും ജയമാണ് ബിജെപി സ്വന്തമാക്കിയത്. മധ്യപ്രദേശിലും രാജസ്ഥാനിലും ചത്തീസ്ഗഢിലും മികച്ച ഭൂരിപക്ഷത്തോടെ ബിജെപി അധികാരമുറപ്പിച്ചു. ഹിന്ദി ഹൃദയഭൂമിയില് ഹിമാചല് പ്രദേശില് മാത്രമാണ് കോണ്ഗ്രസിന് ഒറ്റയ്ക്ക് ഭരണമുള്ളത്. തെലങ്കാനയില് ബിആര്എസിനെ വീഴ്ത്തി ജയം നേടാനായത് മാത്രമാണ് കോണ്ഗ്രസിന് ആശ്വസിക്കാനായത്.
കെ ചന്ദ്രശേഖര് റാവുവിനെതിരെ കോണ്ഗ്രസ് ഉന്നയിച്ച അഴിമതി ആരോപണങ്ങള് പാര്ട്ടിയെ ക്ഷീണത്തിലാക്കി. ഈ അഴിമതി ആരോപണങ്ങളെ വേണ്ടവിധം ചെറുക്കാനും ബി.ആര്.എസിനായില്ല.
Key words: BJP, Victory, Congress
COMMENTS