'കുടുക്ക് 2025' ചര്ച്ച ചെയ്യപ്പെടാനുള്ള ഏറ്റവും വലിയ കാരണം അതിലെ ഇന്റിമേറ്റ് സീനുകളായിരുന്നു. ചിത്രത്തിലെ കേന്ദ്ര കഥാപാത്രങ്ങളായ ദു...
'കുടുക്ക് 2025' ചര്ച്ച ചെയ്യപ്പെടാനുള്ള ഏറ്റവും വലിയ കാരണം അതിലെ ഇന്റിമേറ്റ് സീനുകളായിരുന്നു. ചിത്രത്തിലെ കേന്ദ്ര കഥാപാത്രങ്ങളായ ദുര്ഗ കൃഷ്ണയും കൃഷ്ണ ശങ്കറും തമ്മിലുള്ള ഇന്റിമേറ്റ് സീനുകള് പല വിമര്ശനങ്ങള്ക്കും വഴിവെച്ചിരുന്നു. ചിത്രത്തിലെ ഒരു ഗാനരംഗവുമായി ബന്ധപ്പെട്ട് വന് വിമര്ശനങ്ങളും ചര്ച്ചകളും അന്ന് നടന്നിരുന്നു. വളരെയധികം സൈബര് ആക്രമണം ആയിരുന്നു ദുര്ഗ നേരിട്ടത്.
2022ല് ഓഗസ്റ്റ് 25ന് റിലീസ് ചെയ്ത കുടുക്ക് ഒരു വര്ഷത്തിനിപ്പുറം നാളെ ഒ.ടി.ടിയില് റിലീസ് ചെയ്യുകയാണ്. സൈന പ്ലേ ഒ.ടി.ടിയിലാണ് കുടുക്ക് സ്ട്രീമിംഗ് ആരംഭിക്കുന്നത്.
ത്രില്ലര് ചിത്രമായി ഒരുക്കിയ ചിത്രത്തിന്റെ രചനയും സംവിധാനവും ചെയ്തത് ബിലഹരിയാണ്.
അജു വര്ഗീസ്, ഷൈന് ടോം ചാക്കോ, സ്വാസിക വിജയ് എന്നിവരും ചിത്രത്തില് പ്രധാന വേഷത്തില് എത്തുന്നുണ്ട്. കൃഷ്ണശങ്കര്, ബിലാഹരി, ദീപ്തി റാം എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്.
എന്റര്ടെയ്നറായി തുടങ്ങി മിസ്റ്ററിയും ആക്ഷനും ചേര്ന്നുള്ള ഒരു ചിത്രമാണ് കുടുക്ക് 2025. ഭാവിയില് നടക്കാന് സാധ്യതയുള്ള വിഷയമാണ് കുടുക്കില് പ്രമേയമാക്കിയിരിക്കുന്നത്. 2025ലെ കഥയാണ് ചിത്രം പറയുന്നത്. മനുഷ്യന്റെ സ്വകാര്യതയാണ് കുടുക്കിന്റെ പ്രമേയം.
COMMENTS