ന്യൂഡല്ഹി: മനുഷ്യരാശിയെ പിടിച്ചുലയ്ക്കുകയും സമ്പദ് വ്യവസ്ഥയെ താറുമാറാക്കുകയും ചെയ്ത് നിരവധി പേരുടെ ജീവന് കവര്ന്ന കൊറോണ വൈറസ് ഇനിയും പാടെ ...
ന്യൂഡല്ഹി: മനുഷ്യരാശിയെ പിടിച്ചുലയ്ക്കുകയും സമ്പദ് വ്യവസ്ഥയെ താറുമാറാക്കുകയും ചെയ്ത് നിരവധി പേരുടെ ജീവന് കവര്ന്ന കൊറോണ വൈറസ് ഇനിയും പാടെ തുടച്ചുനീക്കാനാകാതെ ലോകം. കൊറോണ വൈറസിന്റെ പുതിയ വകഭേദം വിവിധ രാജ്യങ്ങളില് സ്ഥിരീകരിക്കുന്നതായി റിപ്പോര്ട്ട്.
യുഎസ് സെന്റര് ഫോര് ഡിസീസ് കണ്ട്രോള് ആന്ഡ് പ്രിവന്ഷന് പുറത്തിറക്കിയ റിപ്പോര്ട്ടിലാണ് ഇക്കാര്യം വ്യക്തമാക്കുന്നത്. ജെഎന് 1 എന്നാണ് പുതിയ വകഭേദത്തിന്റെ പേര്. സെപ്റ്റംബറിലാണ് ഇത് ആദ്യമായി റിപ്പോര്ട്ട് ചെയ്യുന്നത്.
ജെ എന് 1 വകഭേദം അമേരിക്കയുള്പ്പെടെ പന്ത്രണ്ട് രാജ്യങ്ങളില് ഇതിനോടകം കണ്ടെത്തിയെന്നാണ് റിപ്പോര്ട്ടിലുള്ളത്. വാക്സിന് പ്രതിരോധത്തെ മറികടക്കാനുള്ള ശേഷിയും പുതിയ വകഭേദത്തിനുണ്ടെന്നാണ് സൂചന.
ബിഎ 2.86 എന്ന വകഭേദത്തില് നിന്നുമാണ് ജെ എന് 1 എന്ന വകഭേദം ഉണ്ടാകുന്നത്.
യൂറോപ്പും അമേരിക്കയുമടക്കമുള്ള സ്ഥലങ്ങളില് ഒട്ടേറെ പേരുടെ മരണത്തിന് ഇടയാക്കിയ ഒമിക്രോണ് വകഭേദത്തില് നിന്നാണ് ബിഎ 2.86 എന്ന വകഭേദമുണ്ടായത്.
കൊറോണയുടെ പിടിയില്നിന്നും ഒരു വിധം കരകയറിയ ലോകരാജ്യങ്ങള് വീണ്ടും അതീവ ശ്രദ്ധയിലേക്ക് നീങ്ങുകയാണ്.
Key words: Corona Virus, New Varient, Health
COMMENTS